خيا مهداة من فتاة فلسطينية بالشتات لكل شباب فلسطين

[الفارسة جنين قدورة]

خيا فتحت كتاب صرله سنين
بالجمرات كاويني
ويوم انتسب للأرض هز الحرف بالكلمات
تكويني
وخفت الوطن ليكون من كثر القهر غرب
ونشف مجاري العين والدمعات جوا
القلب تكويني
***
خيا الحطب مفقود والحطاب من
الجبال ماشرق
ظهري انحنى من البرد وين الشمس
دفيني
***
ابن الأصل لوغاب عن نسمة هوى البلاد
يصير القلب حطاب حتى الشمس تطلع
فوق ع جبيني
***
خيا بحن كتير للزيتات والتينات
والمية
وراعي الغنم محمود والقطين
والفيه
***
ونسمة هوى العنبات والكرم الي صر لي
سنين ماشفته
وسهرة وفا ع تراب برية
***
خيا زهقت مليت من الحدود والغربة
وجنزر براسي الشيب وكل الشيب حنيه
خيا بحن كتير للزيتون والطابون
ودمعة شاي مغلية
***
وقرص الجبن معمول من ديات بنت العم
فهمية
ونسمة الهوى اللوزات يوم تمر بحضن
العين لحملها
ولكوي الجرح بالشمس وحفنة قمح
بدرية
***
نفسي أشوف الثور والمحراث والمنجل
وزفة حصاد بشوق فوق الأرض محمية
خيا بخجل أقولك كيف اليوم حالتنا
خاف الرعد زعلان من كتر البرق فيه
***
خيا العمر وحل ع باب خيامنا وكتر
وشفت بزماني الموت ولحم ولادنا وأكثر
وعقد الحبل مشدود فوق وتاد منسية
***
وضو الشمس ممنوع عن حبات عينيه
خيا بعيش بذل والسياق حامل سيف
ع الرقية
بذكر وطن بنجن مافي غير هالخيطان
تجر بعين الابرة
***
تفضل كفن لشفافنا تاتموت كل حروف
\هالكلمة
وحامل بايده حساب وجدول ضرب وفاتل
بوز بالعقدة
اما تعيش بذل اوتندار متل الموت ع
القبلة
***
خيا القهر شرش بعظم صدورنا وكسر
جسر أشواق فوق جروحنا السلطان ماقصر
خيا بخط بشوق وبقلبي الدمع
مكتوب يتسطر
***
خاايفة تقول الناس انو الليل من كثر
السهر مطر
قهر الزمن ماعاد للغياب دمعة شوق
يتحمل
كتر المغص بالقلب شل ذراعنا وكثر
***
وحتى الدمع ممنوع من العيون يتصدر
قالوا على الحدود ان العين منها الأرض
تتطهر
خيا بحن كتير بكتر حدودنا وأكثر
***
نفسي أنام الليل فوق كتاف هالوادي
وأصحى الصبح بكير قبل الشمس ما
تشرق
واسمع صياح الديك فوق حدود
دمعاتك
***
وخلي الشمس تجرف اسم الحدود حتى
تعود بسماتك
بلكي الأرض تفرح مع النسمات شتوية
وقرص الشمس من فوق هالغيمات
يتحول
***
ونمشي سوا ع العين كل حجارها بتذكر
انه الوطن والارض احلى كتاب
يوم تكون فوق الأرض حرية
***

[غلبــــاوي]

أختـــــــــي الغــاليــة ( جنين )


لقد كشفت لنا كلماتكي عن صورة التراث الشعبي الفلسطيني العريق

واوضحت لنا مدى فائدة ما نعده بسيط وسخي

كالماء والزيتون والطابون

حقا انها لعبارات متواضعةة


روح الانتماء ينتشر بين حروفكي

ثبتكي الله على ما انتي عليه

ودمتي دعما لقضيتنا الفلسطينية

سلمت يداكي

ننتظر منكي كل ما هو جديد



لكي مني ارق تحية واسمى تقدير

[زرقاء اليمامة]

مشكوووورة حبيبتي جنين على الكلمات الرائعة التي تعطينا احساس انها نابعة
من قلب فتاة عاشقة لكل ما تزخر به بلادها الطيبة
الله يحميك ويبعد عنكم الاعداء الصهاينة
ويخلي فلسطين دايما مرفوعة الراس
تحياااتي لك حبيبتي وننتظر منك المزيد
صابرين