مشاهدة النسخة كاملة : حكايات رمضان
oumaima
22-08-2009, 12:41 AM
ازيكم بنات
وازيكم يا شباب
وانتوا كمان يا زوار
لكل من يعشق القصص
ولكل من لايحب متابعة المسلسلات
اهو الموضوع ده فرصة عشان تروّحوا عن
أنفسكم
ان شاء الله كل يوم في رمضان وبعد التراويح
احكيلكم قصة جميلة
من قصص زمان
فيها العبرة والفائدة ان شاء الله
اتمنى تتابعوني وتدوني رايكم
oumaima
23-08-2009, 12:45 AM
[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])
بنات
و شباب
يلا كلكم تسيبوا الي فاديكم وتعالوا جنبي عشان هحكيلكم
اول حكاية في سلسلة حكايات رمضان
انت يا بت يا عبير سيبي الاطباق اغسليهم بعدين [فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])
يلا العصير موجود [فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])
والقهوة [فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])
والآيس كريم [فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])
والحلويات كمان [فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])
يلا سكووووووووووووووت [فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])
[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])
كان يا مكان بياع الشربات كل يوم بيجيب لمراته السكر
والورد وتحلهم وتمليله قله ويخرج يبيع الشربات وهو
بيغني ويقول :
برد جسمك حلاوة ربانيه
وكانوا عايشين كل يوم ويومه وحامدين ربنا على نعمته
وفي يوم مات بياع الشربات وساب مراته وابنه
معندهمش حاجة ولا حد ينفق عليهم
وابتدت أرملته تبيع في عفش بيتها لحد مبقاش حلتها
حاجة خالص
ابنها ابتدي يكبر وحس بالمسؤولية
فقال لمامته:
هاتلي قلة بابا ابيع الشربات
فقالته:
بس انت لسه صغير ومش هتقدر على حملها
قالها:
متخافيش ربنا صاحب الارزاق وهو هيقف معايا
ويساعدني
راحت امه وعملت من الضعف قوة واشترت شوية سكر
وورد وملته القله
الواد خذها على ظهره وابتدى يتمايل وانحنى ظهره
لحد ما وصل السوق .. فرش الارض وابتدى يغني:
أنا الحبيب وشربي عجيب ومن حافر حفرة السوء فيها يغيب
واد حلو وجميل ونظيف ابتدوا الناس يتلموا حواليه
وفي ساعه وحده خلص كل الشربات الي معاه
وفضل كل يوم ينزل السوق والناس بتتجمع حواليه
ويشتروا شرباته الحلوة
وصيته ملأ المملكه والكل بييجي من آخر البلد عشان
يشترى من عنده
والناس بقت بتتشهى شرباته
لحد ما بلغ صيته السلطان
فأمر الحراس انهم يجيبوه لحد عنده
وفي الحال كان الواد عنده فراح ساقي السلطان والحاشية
السلطان عجبته الشربات وقاله اديني تاني
واداه كيس من الذهب
ورجع الواد لمامته فرحان واشترى اكل للبيت
ومن بكره الصبح راح الواد لمجلس السلطان
وقبض نفس المبلغ الي خذه المره الاولى
والسلطان عجبه الواد لنظافته وحلاوة كلامه
فطلب منه يجيه كل يوم
لحد الوزير مغار منه
فقال لازم اقطع رجله من المجلس قبل ميقطع رزقي
والسلطان يحبه اكتر ويقربه منه وياخذ مكاني
في يوم قبل مالواد يدخل المجلس ندهله الوزير وقاله:
ايه يا بني انت مش حاسس ولا ايه؟
قاله:
خير يا سيدي الوزير
قاله:
انت متختشيش؟ بقك ريحته وحشه وتقرّب من السلطان؟
السلطان اشتكى من ريحة بقك
ابقى اديه كباية الشربات وانت مديه قفاك
دخل الواد المجلس وادى السلطان الكباية بقفاه وادى باقي
الحاضرين وخذ كيس النقود وخرج
انحنى السلطان عالوزير وقاله:
ايه الحكاية هو اداني الكباية ومديني قفاه ليه هو شكلي
وحش ولا ايه؟
قاله الوزير:
شفت ازاي لما تعطف على الغلابه وهما في الاصل ناس
متستحيش؟
انت عارف هو قال عنك ايه؟
قاله :
ايه؟
بيقول عنك ان ريحة بقك وحشه وانه مبيصدق يديك
الكباية ويطلع جري بره عشان يسترجع النفس
قاله:
بقى كده.. استاهل
وزعل السلطان جامد وبعث للصايغ وطلب منه يصنعله
ورده من المرجان وعودها ذهب وقلبها الماس
ونده للسياف وقاله:
بص في الورده دي كويس جدا
وبكره لما تشوف حامل الوردة دي خارج من المجلس
اقطع رقبته
ومن بكره جاله الواد عالصبح وهو بيغني زي العادة:
انا الحبيب وشربي عجيب ومن حافر حفرة السوء فيها يغيب
وسكب الشربات للسلطان والحاشية
فاداه السلطان الوردة وانحنى الواد على ايد السلطان
يبوسها ويتشكره
الوزير بقى غار من الواد اكتر وقرر ياخذ منه الورده
فتبعه عالباب وقال للواد:
ايه انت خذت الورده ورايح فين؟ انت ماصدقت؟
ده السلطان بيختبرك
وخذ منه الورده وطرده
السياف شاف الوزير ماسك الورده قرب منه وقاله
سيدي الوزير معلش يا ريت تتبعني
خذه معاه وقطعله رقبته
من بكره الصبح السلطان في المجلس وسمع الحبيب بيغني:
انا الحبيب وشربي عجيب ومن حافر حفرة السوء فيها يغيب
دخل وسكب الشربات للسلطان والحاشيه
السلطان استغرب ونده للسياف وقاله:
انا مش قلتلك تقتل الي فايده الورده؟
السياف قاله :
مانا قتلته يا سيدي
قاله : مين؟
قاله سيدي الوزير
السلطان فهم الحكاية
ونده للواد وسأله:
فين الوردة الي اديتهالك امبارح؟
قاله:
خذها مني الوزير
قاله:
طيب ليه بقيت بتديني قفاك كل متسكبلي كباية الشربات؟
قاله:
ده سيدي الوزير قالي انك اشتكيت من ريحة بقى مع اني
متأكد ان بقي مفيهوش ريحة خالص
بش مش هقدر اكذبك عشان كده مبقتش قادر اواجهك
فقاله :
بقى الحكاية كده؟
الحمد لله ربنا نجاك
والي حفر حفرة السوء فيها يغيب
اتمنى الحكاية عجبتكم
ومستنيه ردودكم وآرائكم
تصبحوا على خير واشوفكم بكرة مع حكاية جديدة
[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])
القبطان
23-08-2009, 12:36 PM
الله الله عليكي يا ميما
اهو ده الكلام
حدوته جميله ونهايتها جميله يستاهل المنيل الوزير جابه لنفسه
مستنيك ياستي بحدوته جديده
oumaima
23-08-2009, 12:43 PM
كابتن
الحمد لله ان الحدوته عجبتك
مع اني بصراحة كنت خايفه للسرد يكون تقيل شويه عشان اللهجة
واستناني بعد العشا في حدوته جديدة
اتمنى هي كمان تعجبك
oumaima
24-08-2009, 12:45 AM
كان يا مكان
في اول الزمان
كان فيه جلسة توزيع الاعمار
يعني الانسان قد ايه يلزمه يعيش و الحيوان ده وده وكل
من يمشي عالارض او يطير كل واحد يعيش كام سنه
فقالوا ليه منعملوش عمر محدد لكل المخلوقات
وبما ان الحكاية دي خيال في خيال
وقع التوزيع ده في جلسة عامة حضرها كل مخلوقات
الارض عشان يدوا رايهم ويناقشوا القرار ده ويعارضوه
يعني ديموووووووووقراطيه
فقال الرئيس :
نفتتح الجلسة
ايه رأيكم في مشروع قانون بيقترح ان كل الكائنات على
الارض تعيش لمدة 30 سنه
فهاجت كل الكائنات وبدأت المفاهمات والمفاوضات
والمناقشات
وانحنت الدجاجة على الدودة وقالتلها ايه رايك؟
وسأل الحصان الفراشة ايه رايك؟
وسأل الاسد السلحفاة عن رايها
وابتدى كل واحد يتكلم ويصرخ وهاجت الدنيا و ماجت
وضرب الرئيس الطاوله بعصاه وسالهم عن قرارهم
النهائي
وزي العادة لازم يبتديها اما زعيم او كريم
اتقدم الحمار طرطق وذانه وحرك ذيله ونش الذبان وقال:
انا 30 سنه كتير عليا هي قوله ويقولوها يا حمار دار
العرس بيندهولك اما على الميه او الحطب
انا على طول بيشيلوا عليا الاثقال ودائما العصا في
اجنابي ودمي يسيل ولا من يرأف بحالي
وصاحبي بعد ما يموتني من التعب والارهاق بدل ميديني
البرسيم وشوية ميه بارده و يربطني جوه الزريبه
بيربطني في جذع شجرة في الشمس وفي الصيف
محروق وفي الشتا مغروق
ولما اكبر بدل ميديني معاش يبيعني لجزار البهايم يذبحني
لا 30 سنه كتير عليا كفاية عليا 10 سنين وهعتبرهم
تكفير عن الذنوب
قال الرئيس:
طيب نعمل ايه في 20 سنه الي فاضلين
قام بني آدم الي عمره ما يشبع من الدنيا وزي جهنم
بيصرخ هل من مزيد وقال :
انا اقبلهم عنه
قاله الرئيس:
مبروكين عليك
قام الكلب وسار يتعاوج لحد موصل وسط القاعه وهو
يتلفت حواليه وكانه خايف لحد يضربه فجأه وقال:
وانا كمان هعمل ايه بـ 30 سنه وانا استحمل الضرب .
وليل مع انهار وانا بنبح عشان احرس سيدي وكل حد
ميشوفني يضربني ويطردني
وكل بلدية عامله عربية بتقتل في الكلاب السايبه
ولو صاحبي راف بيا يرميلي عظم
لا يا سيدي 10 سنين كفاية عليا وحتى 10 سنين كتير
عليا
فقال الرئيس:
طيب نعمل ايه في 20 سنه الباقيين
قام بني آدم وقال:
انا اقبلهم عنه
قاله الرئيس
مبروكين عليك
قام القرد وقال:
بعد اذنك يا سيدي انا اعمل ايه في 30 سنه مربوط في
سرك في قفص و فرشتي شوية تبن ناشف
او عايش عند واحد حاطط ساسله في رقبتي وبيلف بيا
المدن وانا اتنطط مره فوق ومره تحت ولازم اعمل
اراجوز اضحكلهم الضحكة الي تهجيهم وترضيهم عشان
يرمولي شوية قروش او فول سوداني او قطعة لوز وانتو
عارفين غش بني آدم بيرميلي قشرة بدل اللوز
لا يا سيدي 10 سنين كفاية عليا
قام بني آدم وقال:
اديهملي يا سيدي
وبكده صار لبني آدم 30 سنه عمره المقدر و20 سنه
بتوع الحمار و20 سنه بتوع الكلب و20 سنه بتوع القرد
وبكده صار لازم يعيش 90 سنه
وايه هي النتيجة
بني آدم يعيش 30 سنه في صحة وسلامة جلده مشدود
واش يا ذبانه مافيش في الدنيا غيري انا و خبزه
مخبوز وزيته في الكوز
واول ميخلص 30 سنه ويدخل في سن الحمار يصبح
كيس في الايد ده وكيس في الايد التاني واحيانا كيس
فوق دماغه
وكل يوم وهو بيحمل في الحاجات والخيرات ومحدش
بيشكر ولا يحمد والاطفال ميعرفوش غير ياكلوا ومراته
ميعجبهاش العجب ولا صيام رجب
وهوكل يوم يجري ويقع وحالته اتعس من حال الحمار
واول ميخلص 20 سنه عمر الحمار يدخل في عمر الكلب
ويبتدي طول اليوم :
اقفل الباب .. افتح الشباك.. ادي اكل الحمام.. ليه الحاجة
دي هنا .. ليه الزباله هناك..
وهب هب هب وطول اليوم زي الكلب بينبح
وريقه صابون والضغط عنده مرتفع
ده حتى للسبعين سنه
ولما يخرج من عمر الكلب يدخل في عمر القرد
وشه مكمش وسنانه واقعه زي شيته قردة طرزان عينيه
جاحظة والنظر مفيش وجسمه يترعش كله
لما ييجي ياكل بقه يتعوج و وتكاميش وجه ترقص زي
بينوكيو
والاطفال بتضحك عليه: شوفوا ازاي بياكل.. شوفوا ازاي
بيتكلم.. شوفوا ازاي بيمشي..
وهو آخر مسخره
والي عاش لاولاد اولاده يا سواده يا مداده
وهو عشان يفك عن نفسه يقولهم:
هتكبروا يوم وتبقوا زيي
هههههههههههههههه
والمثل بيقول : بكام اشتريت القوس ده قاله بالثمن الي
اشتريته تشتريه
boushra
24-08-2009, 01:42 PM
رائعة ميما
الحكايتين حلوين جداً
وما شاء الله كاتبة مميزة
ب[فقط الأعضاء المسجلين والمفعلين يمكنهم رؤية الوصلات] ('[فقط الأعضاء المسجلين والمفعلين يمكنهم رؤية الوصلات]')
ومنتظرين اللى بعدها
تيوليــــب
24-08-2009, 04:55 PM
شكلها جميييييييييييييل
بس انا هاقراها على معهلى شويه
اميمــــــــه
يسلموو الايادى
oumaima
24-08-2009, 11:27 PM
بشوره
حمادة
تسلموا يا رب
وخليكم متابعيني
oumaima
25-08-2009, 12:05 AM
بنات
وشباب
تقبل الله صيامكم وقيامكم
يلا تعالوا هنبتدي حكاية النهارده
كان يا ماكان
كبير التجار في مدينة بعيدة في اطراف البلاد
كان بيملك قصر كبير وفيلات ومواشي وزرايب وغيطان
وخدم وحشم
وفي كل قافله له عالاقل 30 جمل
وما شاء الله عليه ربنا فاتحها في وشه وكارمه آخر كرم
وكرمه ربنا اكتر ورزقه بولد
كبر وأخذه ابوه للكتاب
وكل يوم جمعه كان يجيبه عنده المحل
كبر الولد وحفظ القرآن
وابوه كان عازم انه يبقى تاجر زيه
فقرر ان كل يوم جمعه ياخذه معاه المحل عشان يعلمه
اصول التجاره
واحيانا كان بياخذه معاه في استقبال القوافل التجاريه
ويشتري معاه السلع
او يحمّل القوافل السلع الي هيبعها
ولما وصل الاعدادية قاله كفاية كده ولازم تنزل معايا
المحل
وكان مره يسيبه لوحده ساعه ومره ساعتين ومره يقوله
الصبح يسبقه عالمحل ويلحقه بعد ساعه او ساعتين
ومره الصبحية يسيبه لوحده في المحل ومره يسيبه لوحده
العشوية
ومره يغيب يوم او اسبوع لحدما بقى الواد مسؤول عن
المحل
وابوه بقى مره كل شهر يروح يشوف الحسابات ويطمن
على المحل
التاجر قال الحمد لله الواد كبر وفهم التجارة بس ده مش
كفاية
ففكر ففي فكرة وقال لازم ابعثه في قافله عشان يتعلم
التجارة ويتشطر اكتر وبكده اطمن عليه
فراح جهزله قافله بـ100 جمل محملين بكل أنواع السلع
وجهزله الركوبه والمرشدين والخدم
وودعه بعد ما وصاه على نفسه وعلى ماله
وانطلقت القافله
اليوم الاول في العمار الثاني في العمار لحد ما بتعدوا
خالص ووصلوا للصحرا وبعدين دخلوا الغلابه
وبالليل بعد العشا نام كل المسافرين بمن فيهم ابن التاجر
وفضل واحد بيحرسهم
وفي ثلث الأخير من الليل صحي ابن التاجر
سأله الحارس:
مالك يا سيدي؟
قاله :
لا ولا حاجة بس طاش عليا النوم وقايم اتمشى شويه
خليك انت تحرس القافله
وراح ابن التاجر يتمشى وابتعد عن القافله شوية شوية
والدنيا ابتدت تضوى شوية وفجأه لقى حاجة بتلمع
فارتعب وخاف
قرب منها بشويش فلقاها ذيب كبير هرم أكل الدهر عليه
وشرب .. سنانه واقعه.. ومش قادر يتحرك
قعد ابن التاجر يتفرج عليه ويفكر ويقول في نفسه:
يا ترى ده ايه الي يصبره على الحياة؟
يا ترى اقتله واريحه؟
هياكل منين وهومش قادر يصطاد ولا ياكل
وفجأه سمع صوت زهير وزمجرة فشاف أسد جاي جري
في اتجاهه
فطلع جري أعلى شجرة جنبه وقعد يشوف الي بيجرى
الاسد كان جايب ثور كبير فحطه جنب الثعلب وفضل
ياكل فيه ويمشمش في العظام ويزمجر ولما شبع راح
الترعه وشرب وساب الجثه بتاعت الاثور وراح
قام الذيب وتحامل على نفسه وقرب من بقايا الفتافيت
وراح ياكل بنهم كبير لحد ما داخ من الشبع ورمى
الاربعه
بعدها تحامل على الترعه وراح يشرب
لما طلع النهار نزل ابن التاجر وراح للقافله وامرهم انهم
يرجعوا بلدهم
لما وصلوا روح على بيتهم وطرق الباب وفتحله ابوه واندهش:
ايه مالك يابني انت تعبان فيك حاجة؟
قاله ابنه:
لا اطمن مفيش حاجة تعال وانا احكيلك عن الي شفته
وحكاله حكاية الذئب والأسد
ومن ثم قاله اذا الحيوان العاجز ربنا بعثله رزقه عن
طريق الاسد وربنا بيرزق العامل والعاطل
وبما ان ربنا هو المتكفل بالارزاق فليه علينا احتمال
الاخطار وركوب الاسفار ؟
عشان كده رجعت
فكر التاجر وقاله:
اسمع يا بني انا بعثتك لركوب الاسفار واقتحام الاخطار
حتى تكون اسد يجوك الذئاب جيعانين بياكلوا بقاياك مش
عاوزك تكون ذئب تاكل بقايا الاسود
يلا ارجع قبل ماتنزّلوا حمولتكم وقبل مالناس تصحى
وتسمع الحكاية وتبقى مسخرة في وسطيهم
فقاله ابنه:
صدقت يا بابا
ومن حينه رجع للقافله وكمل طريقه
اتمنى تكون الحدوته عجبتكم
واشوفكم بكره ان شاء الله
محجوب من الاداره
25-08-2009, 12:38 AM
جميله قووووووووووووووووووووووووووووي
يا اميمه انا من اشد المتابعين لحكاياتك الجميله
oumaima
25-08-2009, 02:24 AM
ربنا يخليك يا قطقوطه
واستنيني بكره ان شاء الله في حدوته جديدة
يا رب تعجبك
يارا_ندى
25-08-2009, 03:30 AM
ماشاء الله حدوتة النهارده جميلة اوي تسلم ايدك يا ميمو انتي عارفة بنتي كل يوم بتستنى حدوتك احكيهالها قبل النوم
oumaima
25-08-2009, 12:12 PM
يارا
تسلميلي يا رب
وتسلملي متابعتك
وربنا يخليلك بنوتك وتشوفيها عروسه وتفرحي بيها
oumaima
26-08-2009, 01:33 AM
مساء الخير لكل متابعي الحواديت وعشاقهم
القصه النهارده مش انا الي هحكيهالكم
متستغربوش اوي
النهارده جبتلكم راوي تاني بتحبوه جدا وخاصة في
رمضان
جبتلكم شهرزاد
يلا اسيبكم معاها
يحكى ايها الملك الرشيد ذو العقل السديد انه وفي عهد
هارون الرشيد...
كثر الهرج والسرقه وعمليات الاختطاف وحالات
السكر في البلد
عشان كده اصدر الخليفه فرمان بمنع الخروج بعد
المغرب واي حد بيخالف الاوامر راسه يتقطع
واي حد يشوف النور مولع من بيته كمان راسه بيتقطع
البلد بقى من بعد المغرب بلد ميت مفيهوش ولا حركة
وفي يوم مظلم جدا تمد ايدك متشوفهاش
وميخرج في الليله دي الا الناس الي داعيين عليهم والديهم
بالشر
أصر هارون الرشيد على الخروج عشان يتأكد من تنفيذ
القرار واخذ معاه والوزير جعفر البرمكي
وهما بيتمشوا بحذر ومره بيقعوا
ومره بيعثروا في حجر
شاف هارون نور من بعيد فقال للوزير:
انت شايف الي انا شايفه ؟ ده مش نور؟
قاله جعفر :
فين ده؟
قاله:
بص كويس ده الي قدامنا
فقاله :
اه يا سيدي ده نور
قاله هارون:
تعال نشوف ايه الحكاية
ومشيوا بشويش وقربوا من النور
باب مشقق والنور مولع منه
بص جعفر من شق الباب وقال:
ده دكان حداد .. ده الكير.. وده صندوق الفحم وده قطع
حديد وده راجل متسند عالحيط
قاله:
وبيعمل ايه؟
قاله:
بيمزط
قاله:
يعني ايه بيمزط يا وزير؟ ايه الكلام الغريب ده؟
قاله؟
يا مولاي بيمزط يعني بيشرب المازوط والمازوط ده
نسبة للشراب
فقاله :
يلا بلاش فلسفه و اطرق الباب
خبط الوزير عالباب وسمع الحداد بيقله:
مين؟
قالولوا: ضيوف الله
ففتحلهم الباب ودخلوا
قعد هارون على محراث وقعد جعفر على شباك
سكبلهم الحداد الشراب وشربوا وشرب معاهم واتنهد
تنهيدة عميقه وقال:
انسى الهم ينساك
هي الدنيا ايه غير شوية افعال حسنه
وسكبلهم تاني وتنهد وقال:
انسى الهم ينساك واذا اتفكرتوا ادّاك ويا كير مبروك
علّي اشتراك
وسحب سيجارة وغرق في دخانها
فضلوا معاه 3 ساعات والراجل كل ما يتنهد بيعيد نفس الكلام
ومن حينها قاموا روحوا
وودعهم الحداد
ولما خرجوا قال هارون لجعفر يعلم عالمحل
ومن بكره بعد ما خلص المجلس امر هارون الحراس
يجيبولوا الحداد الي سهروا عنده امبارح
ومن حينها كان قدامه
فلما شاف الحداد الخليفه عرف انه نفس الشخص الي كان
سهران عنده بالليل فقاله:
السماح يا أمير المؤمنين معرفتكش امبارح والي
ميعرفكش يجهلك
فقاله الرشيد:
يلا تعال قرب واقعد
قاله:
معلش يا سيدي مينفعش اقعد في حضرتك
فقاله الرشيد:
اقعد يا راجل مانت امبارح اكرمتني عندك
فلما قعد الحداد سأله هارون:
ايه معنى الكلام الي كنت بتقوله امبارح
"انسى الهم ينساك واذا اتفكرتوا اداك ويا كير مبروك علّي اشتراك"
قاله:
يا سيدي انا حداد وراجل فقير وعندي زوجة واولاد والصنعه دي ورثتها ان ابويا
الادوات الي بستعملهم قدموا وخاصة الكير ومبقاش بينفخ عالفهم
واشتريت واحد جديد والكير القديم خبيته في المخزن
بالبيت
وكنت بخبي فيه شوية فلوس بتفضل من مصروف الشهر
ومين الي هييجي فباله ان كير قديم منقوب جواه كنز
وفي يوم جانا الحارة واحد بيشتري الحاجات القديمة
فقالتله مراتي:
تشتري كير قديم؟
فقالها:
وريهولي
فداتهولوا قلبه من هنا ومن هنا ودخل صباعه في ثقب
فطلعله دينار ذهب
فقالها:
هديكي فيه دينار
مراتي فرحت واداتهولوا
اخر المسا لما روحت البيت رحت احط فيه شوية فلوس
فملقيتش الكير
رحت زي المجنون اسأل مراتي فلقيتها بتغسل في بطه
وهي فرحانه بتغني
قالتلي:
ده الكير
قلتلها:
يعني ايه؟
قالتي:
هتعمل ايه بكير قديم منقوب مرمي سنين في المخزن
انا بعته واشتريت بثمنه بطه ولحمة وسمك وشوية طحين
وخضار
كفايه بقا من عقل الرجاله الناقص هتعمل ايه بالخرده؟
فقلت فنفسي:
اعمل ايه بس في الست دي اخنقها والف حبل المشنقه
حوالين رقبتي او اطلقها واخسر فلوس تاني عشان اتجوز
من جديد ..او اجري ورا بياع الخردة وهلاقيه فين ده..
سكت وبلعت السكينه بدمها وقفوضت امري لربنا
وكتمت الخبر
بس المال قطعه من الكبد وكثر عليا التفكير لحد ما وقعت
في بلاعة الشرب
من حينها نده هارون لامين السوق وسأله:
انت ملاحظتش نعمة حديثه نزلت على واحد من بياعين
الروبابيكيا؟
قاله:
فيه واحدكان محيلتوش اللظى اذا فطر ميتعشاش واذا
اتعشى ما يفطرش واليومين الي فاتت بنى بيت وبقى
مترفه وبيصرف
من حينها الخليفه نده لبياع الروبابيكيا وسأله:
الذهب الي في الكير معدود قطعه قطعه واذا لقيناهم
نقصوا هنقطع رقبتك
قاله بياع الروبابيكيا:
يبقى اقطعها من دلوقتي يا سيدي امال انا بصرف منين
وبنيت البيت منين
فقاله هارون:
دول حلال عليك يلا هاتي الباقي
فراح البياع جابهم واداهم للحداد
واتلفتله هارون وقاله:
من هنا ورايح الفلوس الي بتحوشها تشغلهم في مشروع
بدل متركنها من غير فايدة وتضيع عليك قيمتها وممكن
تضيع مره وحده
و أدرك شهرزاد الصباح وسكتت عن الكلام المباح
واقوم انا قبل مييجي شهريار ويلاقيني صاحية يقطع
رقبتي
ههههههههههههههههه
اتمنى الحدوته تعجبكم ومستنيه رايكم
أميـــ للوفاء ـــرة
26-08-2009, 03:38 AM
جميل ميما حبيبتى
كملى وراكى وراكى
هههههههههههههه
حكايه جميله ياقمر
oumaima
26-08-2009, 01:05 PM
برنسيسه
تسلمي يا قمر
nonna
26-08-2009, 01:27 PM
حلوة اميمة وتقوليش شهرزاد كمان بتفهم فى الاقتصاد وكيفية ادارة الاموال ههههههههههههه
تسلم ايدك وفى انتظار المزيد
oumaima
27-08-2009, 12:41 AM
نونا
نورتي الحواديت
وشهرزاد دي طلعت أروبه وبتفهم في كل حاجة
ده من يومين بس سمعت ان ليها موقع عالفيستوك
وانها فاتحه سايبر
ومركز بلاي ستايشن وبتلعب فيافا 2010
هههههههههههههههه
oumaima
27-08-2009, 01:21 AM
السلام عليكم ورحمة الله
ازيكم النهارده؟
أكيد مش نفسكم تاكلوا اي حاجة
ههههههههههههههههههه
حكاية النهارده يا جماعة مش هتعجب الرجاله
عشان كده بقلهم خليكو ديمكراطيين
والديمكراطية خير من المهلبيه
بيحكوا على راجل ابتدى يكره حماته ويموت منها وهي
عماله بتكرّهوا فيها لحدما كره نفسه واهله وبلده
وقرر انه يهاجر ويطفش منها
وفضل ماشي ومش عارف رايح على فين لحدما في يوم
وكان الحر اوي قرب من عين ومد ايده يشرب فطلعله
وحش
ساله: انت مين؟
قاله: انا الشيطان
قاله: وبتعمل ايه هنا؟
قاله: هربان من حماتي
قاله: هوانت ليك حماه كمان؟
قاله:
انت حماتك بني آدمه وهربان منها أمال لوكانت شيطانه؟
ايه رايك نبقى اصحاب ونسافر مع بعض؟
وفضلوا ماشيين لحدما وصلوا لبد
فقاله الراجل :
احنا هنعمل ايه في البلد دي لازم نشوفلنا فيها شغل عشان نعيش
قاله الشيطان:
طيب تيجي نتشارك واعلمك شغلانه نكسب منها الذهب؟
قاله: وايه هي الشغلانه دي يا فالح؟
قاله الشيطان:
انا اروح ادخل في السلطان يعني البسه
ده مهما جابولوا حكما ومشايخ مش هطلع منه ابدا ولما
ييأسوا تيجي انت ومعاك مجموعة البخور
تبخرهم وتقول شوية الجمل دول وانا اطلع من جتته
ومن حينها راح الشيطان لبس السلطان
ومرض السلطان وحار فيه الحكما والمشايخ لحد
ماستسلموا وربطوه في غرفته بسلاسل ومنعوا الزيارة عنه
وقتها خرج صاحبنا وراح عالسرايا
وطلب مقابلة الملك عشان يداويه
فجابوه للملك وحط البخور وابتدى يتمتم بالكلام وخرج
الشيطان
وفجأه خف السلطان وقام وامر للراجل بالف دينار
وخرج الراجل ولقى الشيطان بره السرايا فقتسم معاه الفلوس
وهما كده قاله الشيطان:
احنا لازم نشتغل اكتر ونكسب اكتر
وراح لبس الوزير
ومن حينها جابولوا العزام يخرجه
وفضل الشيطان كل يوم يلبس حد من المملكه
وصارت دي شغلانتهم الشيطان يلبس بني آدم والعزام
يبخر ويتمتم ويخرجه ويقتسموا الفلوس
وفي يوم ..
جا الشيطان للعزام وقاله:
اسمع يا صاحبي بصراحة انا عجبتني بنت السلطان
وحبيتها وعاوز البسها بس لازم توعدني انك متجيش
ناحيتي ومتبخرشي ولا تخرجني
فقاله:
وانا مالي انت حر واوعدك مجيش ناحيتك
ومن بكره راح الشيطان ولبس بنت السلطان
ووقعت تعبانه
فراحوا جابوا العزام فقالهم:
معلش يا سيدي انا بطلت الشغلانه دي
فقاله السلطان:
ايه الي انت بتقوله ده؟
هو على كيفك تشتغل اوقت مانت عاوز وتعتزل وقت
مانت عاوز؟
يلا بسرعه تروح تداوي الاميرة والا هنقطع رقبتك
فخاف العزام ومن حينها أمر بالمبخرة وراح يبخر ويتمتم
فطلعله الشيطان من مناخيرها وقاله:
ايه يا صاحبي هو ده الي اتفقنا عليه؟ ولا ده طبع الانسان
ميشبعش خالص وملوش عهد ولا أمان؟
فقاله العزام:
معلش يا صاحبي انا مجتش عشان اخرجك وانما الي
جابني حاجة اقوى مني ولازم اخبرك بيها
قاله :
بسرعه ايه الي حصل؟
قاله:
معلش اصل حماتك وصلت هنا وعرفت مكانك
فنط الشيطان من جسم الأميرة وفر هربان
بس السؤال:
هي ليه الحماه من أول الدنيا مكروهة؟
يعني ليه بنتها الي جوزتهالنا بنحبها وهي لا؟
بس ده لان بني آدم قليل خير لما ياكل الثمرة بيرمي
القشر
زي الحماة الي ولدت وربت وكبرت وجهزت وجوزت
لما بنتجوز بنتها نكرهها
وده قلة المعروف
بس مع ذلك كمان الحماه مش ناقصها حاجة كمان هي
بتحشر نفسها في كل كبيرة وصغيرة في حياة بنتها لحد ماطفشلها جوزها
boushra
27-08-2009, 01:57 AM
هههههههههههههههههه
حلوين كتييييييييييير ميما
بالنسبة لتبعت شهرزاد
انا بقولك روحي بسرعة بلاش
شهريار يصحى ويعكنن عليك
فى اخر الليل ههههههههههههههه
اما بالنسبة للحماة فانتي صدقتي
بتحشر حالها فى كل كبيرة وصغيرة
تقولش هي اللى تزوجت مو ابنها او بنتها
ههههههههههههههههههههههه
يسلمو حبيبتي بجد انتى كاتبة بتطلعي تحفة
وهتكسري الدنيا وربنا يحميكي من حسادك الكتاب
التانيين هههههههههههههه
[فقط الأعضاء المسجلين والمفعلين يمكنهم رؤية الوصلات] ('[فقط الأعضاء المسجلين والمفعلين يمكنهم رؤية الوصلات]')
يارا_ندى
27-08-2009, 04:06 AM
روعة ياميمو بجد تسلمي
عارفة بجد الحماة مشكلة كبيرة بس لو احنا ادينالها الفرصة لكده
وبردو في حموات طيبات والله ويتمنو السعاده لاولادها
وفيه من اللي بتغير من زوجة ابنها ودي بقى اللي مش عارفه ليه
شكرا حبيبتي على الطرح الجميل
vBulletin® v3.8.7, Copyright ©2000-2012
diamond