بفكر بالسعات

[موجه بحر]

صعب اوى لما تلاقى حد ترتاحله وتفتحله قلبك ويصبح جزء مهم جدا فى حياتك

يبقى الاخ والصاحب المخلص والصديق الوفى واحيانا الاب بنصايحه الغاليه

وفجأة مرة واحده يختفى من حياتك ومن غير اى مبرر

وتفضل تفكر بالسعات ياترى ايه اللى حصل وياترى هو فين وماله وعامل ايه

ويبقى امنيه حياتك انك بس تتطمن عليه

الاغنيه دى كلمتها عجبانى اوى واهداء للى غايب اغلى الحبايب

***

بقيت لوحدى كتير بفكر بالساعات وبقول لنفسى اللى جرى ياريت ما كان

راحت حاجات من بعده وبعده جت حاجات لكنى لسه بعيش على ايام زمان

واللى باقيلى من اللى فات شوية ذكريات

ولسه فاكر له حكايات بيصبرونى فى وحدتى

كان بينا عشيرة قد ايه وحاجات تربطنى بيه

عشان ياقلبى مش لاقيه فضيت عليا دنيتى

عايش ولسه هعيش على ايام هواه ده اللى ما بينى وبينه حب ما يتنسيش

صعب انى الاقى زيه تانى فى الحياه وعشان الاقى زيه تانى يامين يعيش

واللى باقيلى من اللى فات شوية ذكريات

ولسه فاكر له حكايات يصبرونى فى وحدتى

كان بينا عيشرة قد ايه وحاجات تربطنى بيه

عشان ياقلبى مش لاقيه فضيت عليا دنيتى

[oumaima]

أميرة الأحزان

أولا اهلا بيك نورتي المنتدى يا بنتي

مش هعاتبك ولا الومك كل واحد ليه ظروفه الخاصة

وطبعا الحاجة الوحيدة الي قلبنا كلنا هنا بيقولهالك :

وحشتينا والف حمد الله عالسلامة

وخلينا في موضوعك

لما نعيش الصدق والوفاء والاخلاص ننام ونصحى عليه

ننسى ان في الدنيا منعرجات وفواصل وازقه ممكن الواحد يتوه فيهم

وننسى ان في الدنيا محطات كتيرة ولكل محطه ركابها ومسافريها

وفيه سعادة لازم تتبني على سعادة تانيه اقل منها قيمة

ده الي حصل لصديقنا الغايب

يمكن ظروفه أجبرته على كده

يمكن سعادة كبيرة واستقرار اكبر يحتم علينا اننا نقف في المحطة الي سابنا فيها على امل انه فيوم يرجع تاني

يمكن ده لمصلحتنا قبل مصلحته

يمكن ويمكن ويمكن...

حاجات كتيرة يمكن المستقبل يكشف عن غموضها ويمكن تفضل في الغموض

بس حاجة وحيدة في امكاننا اننا نعملها وهي اننا ندعيلوا من قلبنا ربنا يوفقه اينما كان ويسعده

وندعي لقلبنا بالهداية والصبر

حبيبتي أميرة الّأحزان

غياب الكابتن أثر فينا كلنا لانه مكانشي انسان عادي ممكن في لحظة يتنسي بسهولة آثاره لسه في كل

حته من المملكة ومن حياتنا

بس تعالي نفكر بعقلنا شوية

فرضا لو شالوا النت في يوم او قامت حرب لاقدر الله وانقطعت الخطوط هيبقى فيه كابتن او نت؟

تعالي أسهلهالك اكتر

لنفترض ان الكابتن جاتله بعثة شغل في افريقيا مثلا مدغشقر وكان المرتب مغري ومحدش يقدر يرفضه وطبعا سافر

وهناك مفيش نت ولا اتصالات

هتعملي ايه غير انك تتمنيلوا السعادة وهناء البال

حبيبتي

اطمني الكابتن بخير انت بس ادعيلوا ربنا يوفقه ده بس الي ينفعه والي طالبه مننا كلنا

[اَيـــــــة]

ثمة أحبة حين يغيبون
يتركون في المفكر فراغاً دافئاً
و في القلب نبضاً منتظراً

لذا نتمنى أن نلقاك على خير
قبطان
وأن تزول تلك الظروف
التى تحول دون إشراقتك
الرائعة في المنتدى

[سمراء المصرية]

حمدلله علي سلامتك اميـــــرة

كلنـــا من قلوبنـــا بندعى لقبطــــان يرجعلنا بألف سلامه

وهو مشغول شويه بس حبيبتى

ده كل ما في الموضوع

وقريب جدا هيبقي متواجد بينـــــــا

وهو الحمدلله بصحه جيده وافضل حال وبيسلم علي كل اللي بالمنتدى

وبيسلم عليكي اميرة

والف الف حمدلله علي سلامتك

[تيوليــــب]

حمدلله على سلامتك اميره

كلمات الاغنيه دى جميله جدا على فكره

ان شاء الله قبطــــان هيرجع بالسلامه

اطمنى وحطى فى بطنك بطيخه صيفى

هههههههههههههههه

بس كلنا ندعيلو ربنا يوفقه

[boushra]

عندما كتبتي هذا الموضوع موجة بحر او اميرة الاحزان
ذكرتيني بشخص كان أعزالناس لدي وكان أخي وصديقي
وابي وعمي وحبيبي وكل شيء في حياتي لكن الظروف كانت اقوي
مني حيث جعلتني ابتعد فترة طويلة عنه وقد كنت اتعذب طوال المدة التي
غبتها وكنت اتمنى اللحظة التي اعود فيها إليه لأحدثه واتكلم معه ولكن أيضاً
شاءت الظروف وشاء القدر أن تكون الخيانة عنصر مهم فى الحكاية

وبالنسبة للقبطان ربنا يرجعه لينا بالسلامة يا رب
وان شاء الله بيرجع باقرب فرصة
كلامك يا اميرة قلّب عليا أشياء كنت احاول نسيانها
يلا مو مشكلة ربنا يرجع كل الغايبين يا رب