جرأة زايده أم حق مشروع ؟؟؟؟؟؟

[موجه بحر]

السلام عليكم ورحمة الله وبركاته



منذ ايام قليلة شهد القضاء المصرى قضية فريده من نوعها


وليست فريده اى انها لم تحدث من قبل


بل على العكس هى تحدث وبشكل يومى فى الشوارع المصرية


ولكن لأول مرة تعرض على ساحة القضاء


لمن لا يعرف الامر هذه القضيه هى


اول قضيه للتحرش الجنسى فى ساحة القضاء المصرى


حيث


قضت محكمة جنايات القاهرة فى جلستها المنعقدة ليوم 21 اكتوبر 2008 برئاسة المستشار أحمد شوقى الشلقانى بمعاقبة شريف جمعه سائق سيارة نصف نقل بالسجن المشدد 3 سنوات والزامه بسداد تعويض مدنى قدره 5001 جنيه على سبيل التعويض المؤقت وذلك لادانته بالتحرش الجنسى بالسيدة نهى رشدى صالح (27) عاما مخرجة أفلام تسجيلية فى 25 من شهر يونيو الماضى.


وكانت نهى رشدى قد تقدمت ببلاغ إلى قسم الشرطة الذى توجهت اليه ممسكة بسائق السيارة المتهم بالتحرش بها، وقالت انها فوجئت بسائق السيارة يجذبها اليه من صدرها أثناء مرورها بشارع رفاعة بمصر الجديدة، الا انها أمسكت به واقتادته إلى قسم الشرطة وحررت محضرا بذلك فتم احالته إلى النيابة التى باشرت التحقيق معه واحالته إلى محكمة جنايات القاهرة.


وطالبت النيابة العامة فى مرافعتها بتوقيع أقصى العقوبة الواردة فى قانون العقوبات فى جريمة هتك العرض، فيما طالب الدفاع عنه ببراءته نافيا عنه ماهو منسوب اليه من اتهام، فى الوقت الذى صمم فيه الدفاع عن المخرجة بضرورة توقيع أقصى عقوبة ضد المتهم.


ويعد هذا الحكم هو أول حكم يصدر من نوعه فى المحاكم المصرية فى قضية تحرش جنسى.




عايزين نعرف آرائكم الشخصية فى الموضوع


انتى كبنت لو لاقدر الله اتحطيتى فى مثل هذا الموقف هتتصرفى ازاى


هتتمسكى بحقك للنهاية مثل السيده نهى


ولا هتخافى من الشوشرة وكلام الناس وهتعدى الموضوع وخلاص ؟؟



وانت كولد لو لاقدر الله برضه اتعرضت اختك لهذا الموقف


هتتمسك بحقها للنهاية وتاخده بالطريقه القانونيه دى


ولا برضه هتخاف من كلام الناس او هتجرى تاخد حق اختك بدراعك ؟؟


والاهم ياترى تصرف السيده نهى كان


جرأة زايده ولا حق مشروع ؟؟؟؟


مستنية آرائكم فى الموضوع

[القبطان]

والله يا اميره موضوع خطير

والحاجات دي فعلا بيبقي ليها تاثير في العامه

واغلبها بيوصل لقضيه راي عام

واعتقد المسلسل الاخراني اتكلم عن الحكايه دي

بس هي فعلا مشكله

اولا ربنا يصلح حالنا وحال كل المسلمين والعرب

وثانيا ابعاد القضيه دي الاهل نفسهم بيكونو شيء رئيسي

للحكايه دي

ماتستغربيش فعلا ليهم دور كبير

اولا بالنسبه للبس نفسه

لو سمحو لبنتهم تلبس بطريقه متعريه فده سبب

لانها تبقي فريسه سهله ومغريه

ثانيا برضه المغالاه في المهور وكده

بيبقي الجواز امر صعب المنال للشاب

والشاب اكيد له غريزه

فدي كلها طبعا وبعض مش كل الاسباب ياستي

انما بالنسبه لسؤالك ده

فعلا انا ماينفعش اعمل كده والجأ للقضاء الامور دي مش مستحبه

هنا في الدول العربيه وليها ابعاد خطيره

ممكن توصل لدمار البنت نفسها

انما ممكن الجا لوسايل كتيره جدا غير كده

وفي الاخر برضه بادعي فعلا من قلبي ان ربنا يصلح حال المجتمع

لان الكلام في الحكايه دي بياخد صفحات وصفحات

تسلم الايادي يا اميره لاثاره النقطه الخطيره دي

واتاحه الفرصه لنا اننا نتكلم عنها ونقول راينا المختصر فيها

[ميس]

بصراحة انا لاحظت كتير انو فى بنات بصورة كبيرة بقو بيلجاو للقضاء لاخدحقهم

وخاصة بمصر معدلات الاغتصاب والتحرش جدا مرتفعة

امبارح لسة ببرنامج صباح الخير يا عرب

كان موضوع الحلقة عن التحرش الجنسى ومستضيفين بنت مصرية تعرضت ليه وكانت مبلغة الشرطة عن اللى تعرض ليها

واللى اعجبنى اكتر انو كان والدها مساندها بالموضوع وهوة اللى رايح معها

براى لازم كل بنت تاخد حقها وتتمسك فيه
لانو لو تهاونت بمرة ممكن تتعرض لنفس الضرر مرة واتنين وتلاتة ان مكانش ليها حيكون لاختها لصحبيتها لجارتها

لو قلنا مينفعشى وعيب وسمعتك كبنت حتضرر

الشباب اللى بيتعرضو للبنات او خلينا نقول الوحوش مش حيلاقو ليهم رادع لحتى يبطلو هادا

وبالعكس حيعتديو اكتر واكتر

كـــــابتن

انت اشرت لاسباب بتجعل الشباب يعملو اللى بيعلمو

بس هادا مش مبرر ليعتديو ع البنات

لو ضلينا نقول لبس البنت " مع انى مش مختلفة معاك بهاى النقطة " هوة بيخلى الشب يتحرش بيها

مش حنخلص

لازم زى ما فى اهل يربو البنت ويحددو معايير لبسها المفروض هية اللى تحددها بنفسها

لازم يكون فى اهل بيربو ابنهم وانو هادا ما بسير وانو هاى البنت اللى بتقابلها بالشارع لازم تاعملها زى ما بتعامل اختك بالزبط


على اى حال

ربنا يصلح حال الجميع ويهدى شبابانا وبناتنا لما فيه خير ليهم


والحمد لله انو ما بنشوف هاى الظاهرة ع مستوى كبير


راى انو هادا جراة لتاخد حقها المشروع

وياريت القضاء يكون شديد بهاى القصص



اميرة

تسلمى ياقمر لطرحك هاى القضية

ولو انى اعتقد انو لو اتعرضت بقصر الحوار والمناقشة بيبقى افضل ليها

مشان تاخد حقها من النقاش

[سمراء المصرية]

طبعاً حق مشروع وانا احييها علي تمسكها بحقها

وبالرغم من ان كلام قبطان من ناحيه اللبس فيه جزء كبير بأيده لكن برضه اي شاب ما لوش الحق يعمل كده

ولا ننسي قول رسول الله صلي الله عليه وسلم

[يا معشر الشباب، من استطاع الباءة فليتزوج، فإنه أغض للبصر وأحصن للفرج، ومن لم يستطع فعليه بالصوم، فإنه له وجاء]

وربنا يهدي حال الجميع

اما بالنسبه لكلمه ميس ان ده بقي منتشر كتير جدا في مصر فباطمنها

حبيبتى ده مش صحيح بس كل ما في الموضوع ان دلوقتى بقت المناقشات علناً بدون مواراة بمعنى ان مصر بقت بتناقش الامور ديه علنا لتوعيه الفتيات والشباب حتى لا يقعوا بنفس المصيبه

ومصر عددها كبير جدااااااااااااااا وفيها زي اي بلد الحلو والوحش لكن بنسب ويا ريت تيجوا تنورنا ونوريكم الجمال اللي في مصر وتشوفوا القله القليله الوحشه اللي بتسيء لنا جميعاً

[oumaima]

أميرة

تسلم ايديك لهذا الموضوع الجرئ فعلا

واسمحيلي اقلك اننا دايما بنهتم بالجريمة على أساس انها النهاية

بينما هي بتبتدي قبل كده بكتير


انا مش هتكلم عن الجريمة من الناحية القانونية ولا عن دور القضاء والنيابة ولا الدفاع

الجريمة موجودة والحكم وقع النطق بيه

أما الجريمة في أبعادها الاجتماعية والنفسية فدي هي مربط الفرس

التحرش الجنسي والاغتصاب

أولا وقع ربط الجريمة دي بالطبقة الفقيرو والمطحونة من الشعب في حين أننا لو قمنا بالنظر الى صفحات السياسة هنلاقي ان التحرش موجود في البيت الأبيض وموجود في اسرائيل وفي كل مركز للسلطة

فيا ترى ليه بنظلم الشعب البسيط بالجريمة دي

ثانيا انا مع الرأي ان نوع اللبس والمظهر بيخلي الشباب المحروم وكمان الي مش محروم بيقدم على الأعمال دي

بس ايه رأيكم في ارتفاع عدد ضحايا التحرش الجنسي من فئة المحجبات؟

ثالثا التحرش الجنسي والاغتصاب جرايم قديمة جدا وموجودة في العالم كله مش بس في مصر ولا في العالم العربي ولا في دول العالم الثالث دي موجوده في العالم كله

يبقى بعد أولا وثانيا وثالثا لازم وبسرعه ندور عن السبب

والى حين معرفة السبب تعالوا ندور على الوقاية لان الوقاية دائما أسهل من العلاج

اولا نبتدي من الجذور وهي الأسرة والتربية

لو علمنا أطفالنا على أسس دينية صحيحة وعلمناهم فعلا معنى كلمة حرام وكنا صادقين قدامهم

أعتقد انهم هيتخرجوا من مدرسة نظيفة وهيبقوا نظيفين

كمان لو انت علمت بنتك ازاي تحترم نفسها في كلامها ولبسها وحركاتها وصداقاتها وكل ده باللين

لان فيه حاجة مهمة لازم مننساهاش ان كل ممنوع مرغوب فتأكد انها راح تفرض احترامها على الكل

حتى ولو اتحطت في وسط أعتى المجرمين

أما ابنك فده لازم اهم شيء انك تكون صاحبه لان الولد غير البنت عنده مساحة من الحرية أوسع

وكمان بيكون كتوم عن البنت ومتنساش ان الصلاة والتقرب من الله بيحمينا من الشيطان

//

ده رأيي من الناحية الاجتماعية

وعلى قد مقدر حاولت أقدم رايي

أعذروني للاطاله

[موجه بحر]

قبطان منورنى فى الموضوع

بس مش هنفضل نعلق كل حاجة على لبس البنت وعلى مشيها فى الشارع

لان حاليا المحجبات كمان بيتعرضوا للتحرش والمنتقبات كمان

اذا الموضوع اصبح ظاهرة فى حالة السيده نهى انا شفتها بنت عادية من الطبقة المتوسطه

لبسها محترم جدا وان كانت مش محجبة فده ميديش ابدا الحق لاى حد ان يرتكب جريمة زى دى

وطبعا رأيك انك تاخد حقك بطرق تانيه غير القضاء برضه راى فئة كبيرة من الناس

خوفا من الفضايح او حفاظا على سيرة البنت وغيرها وغيرها

بس حتى لو اخدت حقك بالدراع ده مش حل للمشكلة

انما اعتقد حكم القضاء العادل فى القضيه دى

هيخلى اى حيوان من دول يفكر ميت مرة قبل مايعمل حاجة من دى

وعلى فكرة يا جماعه السيده نهى تنازلت عن التعويض المادى واكتفت بالعقاب المدنى

بجد بحييها هذه السيده على موقفها

[موجه بحر]

اهلا بيكى يا ميس

على فكرة على عكس ما انتى متوقعه تماما

مفيش حد بيلجأ ببقضاء لحل هذ ه المشاكل

وهذه القضيه اول قضية تعرض على ساحة القضاء من هذا النوع

وارجح ان اللى البنت اللى انتى شوفتيها دى هى نفس البنت صاحبة المشكلة

وزى ما قالت ماما سمرا الموضوع مش بالشكل اللى انتى متخيله ابدا

يمكن تكون الجريمة موجوده بس هى فعلا من قلة قليلة بتسؤ سمعه البلد وتسئ ليها

وفعلا بتفق معاكى فى رايك جدا

الغلط بيبقى على الولد اكتر من البنت ومالوش اى مبرر او اعذار

نورتى موضوعى المتواضع يا ميس

[موجه بحر]

ماما سمرا

والله نورتى الموضوع بمرورك الكريم

وبتفق معاكى مليون المية

وفعلا الان اص بح مناقشه مثل هذه الامور فيها بعض الحرية عن الاول

وفعلا مصر فيها كل شئ جميل

ربنا يرحمنا من هذه القلة التى تسئ لنا

[موجه بحر]

الله عليكى يا اميمة

شرحتى الموضوع شرح وافى جدا بحييكى عليه

ومعنديش اى اضافة على كلامك الجميل

وربنا فعلا يرحمنا من امثال هؤلاء

شكرا جزيلا ليكى يا قمر

ونورتى الموضوع برأيك الجميل ده

[سما غزه]

اميره

انا بتمسك بحقى للنهايه

ولانه لو كل بنت هتسكت ع حقها بهيك امور

راح يصير للرجال يعملوا فينا اكتر من هيك

مادمنا ساكتين وخايقين من كلام الناس

ولو كل بنت ابتعمل متل الست نهى

كان كل شب بدو يعمل هيك راح يفكر الف مره

لحتى مايصير فيه متل ماصار بالسائق

والانسان لازم يتمسك بحقه للنهايه مادام ماعليه الحق

تحياتى

[القبطان]

الغريب انك ذكرتي واحد من اهم الاسباب وتجاوزتيه بشكل عادي يا اميره

وهو انها مش محجبه

انتي شايفه الوضع ده عادي يستاهل التجاوز

عمري ماكنت مدافع عن شويه حيوانات

لكن انا باذكر الاسباب اللي كل واحده تدخل شويه

تعلق علي كلمتين وتقول لا مش كل حاجه علي البنات ولبس البنات

واميمه بتسأل المحجبات التحرش بيهم بقي في زياده يعني مش معني ده

ان اللبس له اثر

طبعا الكلام ده مش بيدخل دماغ حد لان المحجبه والمحافظه علي نفسها مستحيل

حد هايبصلها ممكن تكون محجبه زي ماقلتو بس يمكن طريقه مشيتها مش محترمه

طريقه كلامها مش كويسه ضحكها بطريقه غير عاديه مشيها لوحدها في اماكن ماينفعش تمشي فيه

كنوع من المتشبهين بالذكور اللي بيفتكروا نفسهم قادرين يدافعو عن نفسهم وبعدين بنتكلم عن القضاء ونقول لازم ناخد حقنا

تقدر واحده فيكم تقف قدام ضباط وعساكر واعلاميين وتقعد تحكي اللي حصل

تقدر واحده فيكم تروح علشان تتعرف علي اللي اغتصبها

تقدر واحده فيكم تسلم نفسها لاطباء يكشفو عنها ويكتبو تقاريرهم

تقدر واحده فيكم تقول اسمها علنا وتتكلم في حديث صحفي علشان باقي البنات تتعلم منها الصح والغلط

ياريت نبقي نفكر كويس قبل مانتسرع بالراي لان الحكايه مش سهله زي مانتو فاكرين

كفايه نظره جيرانها انها مغتصبه ونظره الناس ليها وكفايه انها بكده ضحت بمستقبلها كربه بيت وزوجه

طبعا نخلينا واقعيين شويه وحوارات المسلسلات ماتاخدناش لمشاوير بعيده

طبعا لو بنت ماشيه صح لابسه صح خايفه علي نفسها تمام بتخرج بميعاد وبترجع بميعاد

عن طريق اهلها ماعتقدش حد هايغتصبها مهما كان حيوان

نرجع تاني لحوارات المغتصبين اللي مش بادافع عنهم وكلامي ده نوع من التحذير للبناتللي عاوزه تعمل بيه يبقي كويس ليها واللي مش هاتاخد بيه هي حره

الشباب دلوقتي ماليين الشوارع وحكايه البطاله تجازت اي نسب يعني لو مكان ووطن مافيهوش الكلام ده

وفيه كل واحد مهتم بعمله هايبقي في مواعيد للشغل ومواعيد للراحه وشيء من الجديه في المعيشه يبقي مستحيل يضيع وقته واقف في الشارع يعاكس حتي

فطبعا اول حاجه البطاله ليها دور كبير

اتكلمت عن غلاء المهور وكل واحد فاكر بنته هي الاميره المتوجه

لو اتقدملي شاب يبقي لازم امص دمه ودم اهله واعجزه ياكده يامه بلاش

طيب موقف شاب من دول في لحظه يأس مهما كان ادبه واحترامه ايه

ااقل شيء يروح يحب ويعاكس ويتجوز عرفي

طب ماباكلم بلحظات اكبر من اليأس

اي حد بسهوله ممكن يتحول لمغتصب

خصوصا لو لقي الظروف المناسبه

بنت لوحدها

لابسه لبس مغري يحرك الاحاسيس

طريق فاضي

ممكن ضحكه في معاكسه منه ومنها

طريقه مشيها

كل الامور دي هي الدافع للتحرش والاغتصاب

فياريت نبطل كتر حوارات مالهاش لازمه ونحاول نبرر اللبس

ونحاول نجيب كل حاجه علي المغتصب

لان نسبه رهيبه وكبيره بتكون البنت هي المغتصب مش الولد

وربنا يبعد عنا وعنكم الناس دي

ويصلح حال المجتمعات بتاعتنا

[القبطان]

نسيت اضيف شيء لو انتو فاكرين ان حكايه القضاء دي هاتمنع جرايم الاغتصاب

تبقو بجد فاهمين غلط وغلط جدا كمان

لان لو القضاء هايمنع كده

كان المدمنين بطلو ادمان

وكانت جرايم القتل اللي اخرتها اشد من اي جريمه وهي الاعدام بطلت

يا ناس افهمو لكل جريمه سبب وعقاب المجرم مش بطريقه القضاء لانها مش هاتنتهي

نذكر امثال رهيبه عن جرايم حصلت وقدام العامه وفي محطه وقدام الناس زي ماحصلت مع

فتاه المعادي

اللي بقت قضيه لراي عام وكل الدنيا اتكلمت عنها

ياتري القضاء انهي الحكايه دي ولا لا

العلاج يا ناس اننا نبحث عن الاسباب ومانعلقش كل الخطأ علي المجرم او الجاني

ياريت نشوف الدوافع اللي ادت للجريمه ماحدش بيتولد مجرم

كل الحكايه ان في ساليب وطرق بتتمهد قدام المجرم نفسه بتساعد علي صنع المجرم جواه

ياريت نعرفها ونفكر فيها ومانديش فرصه اننا نصنع مجرم او مغتصب

دي الطريقه الوحيده لكده

[oumaima]

قبطان

بصراحة اسمحلي أحييك على تحليلك وكلامك

بس اسمحلي اعترض على حاجات من الي قلته

او بمعنى أصح احاول ادي رأيي

أولا كلنا ركزنا على اللبس مع اني قلت ان اللبس مش هو السبب

بدليل ان فيه محجبات كتيره يتعرضوا لحكاية التحرش

وبأكدلك ان ده مش بسبب لا مشيتها ولا ضحكتها ولا تصرفاتها

أنا عن نفسي تساألت كتير عن السبب فلقيت اجابتين اثنين

الاولى ان الشباب مبقوش بيثقوا في البنت المحجبة وبيشوفوه ستار تخبي بيه حقيقتها

والثاني ان الممنوع مرغوب

وعشان تعرفوا ان اللبس مش السبب يا ترى في الدول الاروبية الي كل حاجة فيها مباحة يعني مفيش حلال وحرام ومباح وممنوع

ليه جرائم التحرش والاغتصاب بالملايين؟

هل ان اللبس الي بيخليهم يعملوا كده؟ ماكل البنات بتلبس شبه عريان

ثانيا مسألة الوقوف أمام القضاء وطرح القضية عليه فدي لو اتكلمت عليها من الناحية الاجتماعية فراح قلك عندك حق

صعب جدا على أي بنت وأي أب انه يشهر بسمعة بنته بالاضافة الى انه صعب على أي بنت انها أصلا تواجه اي حاجة بتحصل معاها من النوع ده

دي حقيقة مش بس تخص مجتمعنا العربي الاسلامي

كمان في اروبا بلد التحرر بيحصل فيها الحاجات دي بدليل مصحات المعالجة لضحايا الاغتصاب

فلو المسألة بالسهولة دي ليه بيعملوا مصحات في بلد متحرر؟

بس الكلام ده ميعنيش اننا نكتم ونسكت عن الجرايم دي لان الضرر أكبر لو سكتنا .

سواء البنت اتكلمت أو سكتت فالضرر لاحقها لاحقها

يعني انت تتخيل لو انها كانت قوية واتحملت الي حصلها وقدرت تداري هل ده مش هينعكس على شخصيتها؟

على مستقبلها؟

فرضا لو قدرت وكانت جباره وقوية لو اتجوزت يا ترى الحكاية هتتخبى؟

بصراحة الحكاية دي صعب نقول فيها رأي وخاصة الي بيتفرج من بعيد

أما القضاء فدوره يسلط العقاب وبس

هو ليه مجموعة من المواد والقوانين هيطبقها طالما توفرت الأدلة

الأهم من ده هو المجتمع نفسه لان القاعده والأساس بتكون منه

وزي مقلت الأساس يكون في التربية ولو حصلت حاجة بعد كده تبقى قضاء وقدر

[القبطان]

مداخله جميله جدا يا اميمه

بس واضح انها محتاجه مراجعه منك لكلامي

لاني ماقصدش طبعا انها ماتلجأش للقضاء وتكتم

بصراحه ابقي اهبل

وحكايه الغرب والعرب ماينفعش نحط ده بمقارنه مع التاني

في بلد بتحلل شرب الخمور وبتحلل الزنا

وسيبك من الممنوع مرغوب والحاجات دي تنفع في قصص الحب الوهيمه

لكن حكايه اغتصاب ماتنفعش طبعا يا اميمه

الموضوع محتاج تقييم منك بطريقه جديده