الف ليله وليله قصه كل ليله

[القبطان]

[فقط الأعضاء المسجلين والمفعلين يمكنهم رؤية الوصلات]

حيث انني قد نوهت فيما سبق عن ان صاحبه او صاحب اجمل موضوع في قصر القبطان

سيشارك القبطان بطوله واحدا القصه خلال الاسبوع

وحيث انني لم اجد سوي زهره من قام بكتابه موضوع

وحيث انني احب ان القي اليكم اول اطراف القصه قبل موعد سفري

لهذا ستكون زهره اول بطله تصاحب القبطان في اول القصص

تعالو لنسمع اول قصه من الف ليله وليله


الف ليله وليله قصه كل ليله

[فقط الأعضاء المسجلين والمفعلين يمكنهم رؤية الوصلات]


شهرزاد : بلغني ايها الملك السعيد ذو الرأي الرشيد ان قبطان البحورصياد مدينه لاهور


[فقط الأعضاء المسجلين والمفعلين يمكنهم رؤية الوصلات]

استيقط من نومه في الصباح الباكر كعادته وهو يجمع شبكه الصيد الصغيره ويحملها علي كتفيه

ليذهب للبحر الكبير ويقتات منه اسماك صغيره يأكل منها ما يكفيه ويبيع ماتبقي في سوق لاهور


[فقط الأعضاء المسجلين والمفعلين يمكنهم رؤية الوصلات]


وتاخذنا رحله الف ليله وليله الي تلك المدينه الصغيره لاهور بعد ان اصابها فقر المعيشه وضيق

الحال وقله الصيد لنشاهد الشاطر قبطان وهو يفتح باب كوخه الصغير ليستقبل الهواء الجميل

وهو يحمل تلك الشبكه الصغيره

الشاطر قبطان : اصطبحنا واصطبح الملك لله يارب ارزقني الصيد نفسي اكل بوري او حتي كاليماري

زهقت تونه معلبات

وذهب الشاطر قبطان الي شاطيء لاهور ويجلس علي صخرته الصغيره وكله امل بصيد ثمين ومر الوقت تلو الاخر


[فقط الأعضاء المسجلين والمفعلين يمكنهم رؤية الوصلات]


والشاطر قبطان يلقي الشباك هنا وهناك فلا يجني سوي خيبه الامل

وطهر من بعيد الشيخ العجوز مرجان وهو يدنو من القبطان ليلقي سلامه بامان


[فقط الأعضاء المسجلين والمفعلين يمكنهم رؤية الوصلات]


الشيخ مرجان : صباح الفل يا قبطان

الشاطر قبطان : صباح الورد يا شيخ مرجان اخبارك ايه

الشيخ مرجان : الحمد لله يابني انت عامل ايه في الصيد

الشاطر قبطان : كالعاده ابيض من الصيني بعد غسيله يالا تعال انا مروح اوصلك في طريقي واشيل عنك

شوال الرز بتاعك

الشيخ مرجان : تسلم لي يارب انا كده باتعبك كل يوم توصلني وتشيل عني شوال الرز

الشاطر قبطان : انا بابقي فرحان وانا شايل عنك وموصلك بس قولي بتعمل ايه بالرز ده كله


[فقط الأعضاء المسجلين والمفعلين يمكنهم رؤية الوصلات]


الشيخ مرجان : يابني انا راجل عجوز عايش لوحدي وليا مزرعه رز باروح كل يوم اجمع وانشف الرز

وارجع بشوالي ده كل يوم اوزع منه علي الفقراء واشيل منه طبق اتغدي بيه

الشاطر قبطان : ربنا يصلح حالك يا شيخ انت راجل طيب فعلا

وحمل القبطان شوال الرز الخاص بمرجان هذا الرجل الطيب الغريب الطباع حتي وصل الي كوخ مرجان


[فقط الأعضاء المسجلين والمفعلين يمكنهم رؤية الوصلات](40).jpg


ووضع القبطان شوال الرز امام باب الكوخ واستأذن للرحيل

الشاطر قبطان : أي خدمه يا مولانا انا خالع رايح انام شويه

الشيخ مرجان : استني يابني انا عاوزك تعال افطر واشرب معايا الشاي

الشاطر قبطان : نفطر وماله بس مابشربش الشاي عندك كانز

الشيخ مرجان : يعني ايه كانز

الشاطر قبطان : لا ماتاخدش في بالك

ودخل القبطان كوخ العجوز مرجان لاول مره منذ سنوات طويله من الجيره

ومن الحيره وجلس علي كرسي من الخوص لينطر مشدوها لجدران الكوخ

ليري عجائب كثيره نجمات البحر معلقه واصداف عجيبه وصوره لشابه

من اجمل مايكون نطر اليها القبطان مشدوها واطال النطر


[فقط الأعضاء المسجلين والمفعلين يمكنهم رؤية الوصلات]


الشاطر قبطان : سبحان الله ايه الجمال ده صوره مين دي ياشيخ مرجان

الشيخ مرجان : صوره زوزو بنتي يابني

وجلس بعدها الشيخ مرجان يبكي بشده حتي احمرت عيناه وتصاعد صوت الاه

وتبللت وجنتاه

الشاطر قبطان : مالك بس ياشيخ احنا كنا حلوين من شويه

الشيخ مرجان : اسمع يا قبطان انا هاقولك سري الدفين اللي ماحدش يعرف عنه أي حاجه ولولا انك شخص طيب

وبحبه عمرك ماكنت هاتعرف أي حاجه

وذهب الشيخ مرجان واحضر صندوق مزركش ومرصع بالاصداف الجميله ويضعه امام القبطان وفتح الشيخ


[فقط الأعضاء المسجلين والمفعلين يمكنهم رؤية الوصلات]


مرجان هذا الصندوق الصغير واخرج منه قلاده ذهبيه صغيره وخاتم هو الجمال بعينه يكاد بريقه يسطع عبر

اجواء الكوخ الصغير ويضيء جوانبه المطلمه

الشيخ مرجان : اسمع الحكايه ياقبطان من اولها لاخرها .........


[فقط الأعضاء المسجلين والمفعلين يمكنهم رؤية الوصلات]


كوكوواوا كوكوواوا كوكو كوكو وا

شهرزاد : مولاي الديك بيدن كوكو كوكو في الفجريه يالا علشان تنام

وهنا سكتت شهرزاد عن الكلام المباح واغلقت عيناها لتستقبل ضوء الصباح

وشخير شهريار يعلو بارتياح

طبعا استنوا اكيد هانكمل القصه ان شاء الله في حلقه تانيه ماحدش يمشي علشان نشوف قصه الشاطر

قبطان والاميره زوزو بنت الشيخ مرجان

[فقط الأعضاء المسجلين والمفعلين يمكنهم رؤية الوصلات]



تحياتي

[zahra]

[فقط الأعضاء المسجلين والمفعلين يمكنهم رؤية الوصلات]

قبطان احب اشكرك جدا على اختيارك ليه انى اكون بطله قصتك الجميله

وثانيا بجد الاسلوب خطير بجد وجميل جدا تسلم ايدك عليه

وانا فى انتظار الباقى بشوق

تحياتى ليك اخى

[ميس]

قصة راائعة

وحسيت نفسى كانى شايفها القصة

اتخيلتها فعلا

قبطـــــــان

سرد وصياغة رااائعة

متالق كعادتك

وانا متابعة معاك

كمل

[راما]

يالله

قبطان زكرتنى بحدويت الف ليلة وليلة

الى كانت تيجى برمضان

شى رااائع

وانا مستنية بقيت القصة ع نار

تقبل مرورى

[القبطان]

زوزو القمر منوره الصفحه

وان شاء الله لما ارجع اكمل باقي القصه

[القبطان]

تسلميلي يا ميس يارب

ومشكوره للكلام الجميل ده

[القبطان]

راما الغاليه منوره الصفحه

وان شاء الله لما ارجع اكملها

[oumaima]

قبطاني

أولا عاوزه أقلك ان أسلوبك فعلا رائع رائع رائع

وبصراحة أنا شفت القصة 3 مرات لحد دلوقتي

وكل مرة كنت أتخيلها شكل جديد

ومكنتش عاوزه اصحى من الخيال لولا الديك الي بييجي في غير المعاد


قبطاني

ان شاء الله ترجعلنا بالسلامة وتخلي شهرزاد تكملنا الحكاية

مع السلامه

[القبطان]

الله يسلمك يا اميمه

وان شاء الله نرجع نكمل مع بعض ونشوف احداث القصه

اللي لسه في دماغي

ويارب تعجبكم

[سمراء المصرية]

هههههههههههههها

كده تحرم الشيخ من الكنزي

طيب كويس ابعتهولي انا

ههههههههههههههها

قصه رائعه جداااااااااااااااااااا

وبانتظار تكملتها

القبطـــــــان

تسلم ايدك الجميله

لا تتأخر علينا

[القبطان]

بس كانز واحد ده كرتونه بحالها في الطريق يا غاليه

هههههههههههههههه

منوره ياقمر

[اميرة الاحزان]

الله الله

ايه القصة الحلوة دى

تسلم ايدك يا ابو الكباتن

وبخصوص الكانز انت عارف طلبى

[القبطان]

اميرتي الغاليه منوره ياقمر

ماتخافيش طلبك موجود ميرندا وساقعه كمان

[القبطان]

[فقط الأعضاء المسجلين والمفعلين يمكنهم رؤية الوصلات]


يا اميره شهرزاد انطلق هذا النداء عبر اجواء القصر من تلك الجاريه الحسناء

وتلقت النداء اخيرا تلك الاميره الشهيره شهر زاد


[فقط الأعضاء المسجلين والمفعلين يمكنهم رؤية الوصلات]

شهر زاد : ماذا تريدين يا حليمه

حليمه : الامير شهريار ينتظرك مولاتي

شهرزاد : اذا فقد حان موعد القصه ابلغي مولاك انني في الطريق

حليمه : سأخبره مولاتي

وانطلقت تلك الجاريه لتبلغ الامير شهريار بقدوم الاميره شهرزاد

شهريار : هيا يا شهرزاد اخبريني باقي احداث القصه فقد تقت حقا لمعرفه الاحداث

شهرزاد : تحت امر مولاي الامير

شهرزاد : بلغني ايها الملك السعيد ذو الرأي الرشيد ان قبطان البحورصياد مدينه لاهور
حين التقي العجوز مرجان في ذلك الكوخ الصغير الذي يحوي من الاسرار الكثير والكثير ....

وانطلقت تلك البخور تعبق اجواء الغرفه الصامته
الا من صوت الاميره الجميله شهرزاد

[فقط الأعضاء المسجلين والمفعلين يمكنهم رؤية الوصلات]

لتكمل احداث القصه قصه الصياد قبطان والعجوز مرجان

واخذت تستطرد وهي تحكي ذلك اللقاء

وتقول وحيث التقي الصياد قبطان بالعجوز مرجان

في مدينه قندهار مدينه

العجوز مرجان : من سنين طويله يا قبطان كان في مملكه كبيره كبيره في اعماق البحار بيسكنها نوع من البشر والجان وكان للجان مملكه وكان للأنس مملكه تانيه ومدينه جميله اسمها مدينه اللاليء كنت انا فيها الملك

القبطان : انت يا مرجان كنت ملك مدينه اللاليء اللي في اعماق البحار

وقال في نفسه ابتدينا الهزار

ماعلينا

كمل يا مرجان

مرجان : يا قبطان ربك خالق كل شيء خلق الانسان يعيش في البر ويمشي علي رجلين اتنين وخلق البحار اللي بتعيش فيه انواع واشكال من الاسماك والمخلوقات واحنا كنا من تلك المخلوقات اللي ماحدش سمع عنها حاجه

القبطان وهو في حاله ذهول : طب ازاي بس بتعيشوا يا مرجان يعني بتمشو علي الارض ولا بتعوموا ولا بتعملو ايه بس

مرجان : بص ياقبطان كان لينا شكل البشر بس اللي يفرق بينا وبينكم ان مكان الرجلين كانت لينا زعفنه زي الاسماك

[فقط الأعضاء المسجلين والمفعلين يمكنهم رؤية الوصلات]

القبطان : طيب انت كده شدتني اكتر كمل كمل

مرجان : كان كل سكان بيحبوني لاني عادل وعمري مافكرت اني اظلم اي شخص ده بعد موت والدي حاكم مدينه اللاليء طبعا كان اخويا سمعان طمعان في حكم مدينه اللاليء بس والدي كان عارف انه شخص طماع علشان كده كان اختارني قبل مايموت للحكم

وتمر الايام وسمعان مابطلش مؤامراته عليا علشان يتخلص مني

القبطان : ها وبعدين

العجوز مرجان : كنت في مره راكب حصان البحر وباتفقد احوال المدينه لحد ماوصلت شاطيء البني ادمين ولما نويت الرجوع سمعت صرخات واحده بتستغيث الحقوني انا باغرق

[فقط الأعضاء المسجلين والمفعلين يمكنهم رؤية الوصلات]

وجريت يا قبطان وشفت واحده من بني البشر جميله الجميلات بتحاول ترفع راسها علشان تتنفس وكانت بتغرق كنت متردد كتير اني اروح انقذها علشان كان من قوانين مدينه اللاليء اننا مانقولش علي سر وجودنا

[فقط الأعضاء المسجلين والمفعلين يمكنهم رؤية الوصلات]

القبطان : وبعدين بعدين

مرجان : ورحت انقذها ياقبطان وفي البدايه خافت مني بس لما شلتها بايديا هديت وبطلت صراخ وبصيت في عينيها وحسيت اني لاول مره طفل صغير سحرتني بجمالها
طلعتها علي الشط وودعتها وكنت ناوي اني مارجعش تاني وصعبت عليا دموع عينيها كتير يا قبطان وهي بتودعني

كنت كل يوم اروح علي الشط من غير ماتشوفني كنت اراقبها وهي بتبص في الميه مستنيه رجوعي لحد في يوم ماقدرتش وقربت اكتر ورميت السلام

[فقط الأعضاء المسجلين والمفعلين يمكنهم رؤية الوصلات]

شهرزاد :ويأخذنا الزمان من زمان الي زمان ومن مكان الي مكان علي شاطيء مدينه البشر والتقي مرجان بفتاه الاحلام ولم يكن يدري ان القدر يخبي الكثير من الاسرار ويدور الحديث والحوار

مرجان : السلام عليكم يا جميله الجميلات

........ : وعليكم السلام

مرجان : انتي اسمك ايه

....... : اسمي نور

مرجان : عاشت اجمل الاسامي يانور

نور : وانت اسمك ايه وايه قصتك وحكايتك

وراح مرجان يستطرد ويحكي لنور جميله الجميلات

وتكرر اللقاء وطرق الحب ابواب القلوب واشتد حتي احتدم

ويوما بعد اخر يزيد الشوق والحنين

كوكوواوا كوكو واوا كوكو كوكو وا

وأدرك شهرزاد الصباح فسكتت عن الكلام


شهرزاد : مولاي الديك بيدن كوكو كوكو في الفجريه يالا علشان تنام

وهنا سكتت شهرزاد عن الكلام المباح واغلقت عيناها لتستقبل ضوء الصباح

وشخير شهريار يعلو بارتياح


[فقط الأعضاء المسجلين والمفعلين يمكنهم رؤية الوصلات]


يالا استنونا علشان نكمل باقي الاحداث بسرعه رمضان داخل وحلقات جديده في انتظارنا في رمضان وكل ده هنا عند القبطان

وطبعا كل ده ضمن حلقاتنا الجديده ومفاجاتنا الكتيره ان شاء الله مع

القبطان

و

اميمه

اوعي تغير القناه

وكل سنه وانتو طيبين ياحلوين

[oumaima]

قبطاني

مش عارفه ليه الديك بتاع شهرزاد ابتدى ينرفزني

وشكلي هعمله محشي في رمضان

هههههههههههههههههه

بجد القصة مشوقة واسلوبك في السرد والحوار اروع واروع

امتى هييجي بكره عشان نكمّل الحكاية ؟

وطبعا متنسوش

مع أميمة والقبطان

اوعى تغيّروا القناه

[zahra]

بصراحه جميله جدا يا قبطان فعلا الاسلوب والحوار هايل اوى

انت تنفع مؤلف ايه ممتاز

ومنتظريين بقيت القصه وحلقات رمضان

اميمه والقبطان

ثنائى ممتاااااااااااااااااااز

[القبطان]

اهو ده الكلام يابنتي

انا قلت كده برضه ده اخره في حله محشي

ههههههههههههههههه

منوره ياقمر

والعفو ياجميل مرورك الاجمل دايما

[القبطان]

تسلميلي يازوزو

ودي شهاده جميله اعتز بيها

وبرضه لسه دورك ماجاش

ههههههههههههههههههههه

[القبطان]

[فقط الأعضاء المسجلين والمفعلين يمكنهم رؤية الوصلات]


مولاتي الاميره شهر زاد

شهر زاد : ماذا تريدين يا حليمه

حليمه : مولاتي الامير شهريار

شهرزاد : ماذا يريد ياحليمه

حليمه : مولاتي انه يريدك في الحال من اجل باقي القصه

[فقط الأعضاء المسجلين والمفعلين يمكنهم رؤية الوصلات]

شهرزاد : لكن ياحليمه الوقت لم يحن بعد

حليمه : مولاتي الامير في حاله ضيق ويريدك حالا

شهرزاد : لا عليك سأذهب في الحال

وانطلقت الاميره شهرزاد تجوب انحاء القصر الانيق

حتي وصلت الي الامير شهريار وقالت

شهرزاد : مولاي الامير ماذا هناك سيدي


[فقط الأعضاء المسجلين والمفعلين يمكنهم رؤية الوصلات]

شهريار : اريد باقي القصه يا شهرزاد ماذا حدث لمرجان بعد ان التقي الجميله نور وماذا حدث بعد ذلك في مدينه اللاليء وماذا قال سمعان

شهرزاد : ههههههههههههههه اذا يا مولاي اطلق البخور لنذهب الي مدينه لاهور نستمع لقول العجوز مرجان للصياد قبطان لنكمل احداث مدينه اللاليء والجان

[فقط الأعضاء المسجلين والمفعلين يمكنهم رؤية الوصلات]

وانطلق كعادته البخور ليأخذنا اللقاء مع مرجان والجميله نور علي شاطيء بحر البحور

شهرزاد : بلغني ايها الملك السعيد ذو الرأي الرشيد ان مرجان العجوز قد احب نور الجميله رغما عن قانون البحور وتخطي من اخيه سمعان كل الشرور

ويأخذنا اللقاء ويعبر بنا الزمان كل الزمان ومن مكان الي مكان علي شاطيء النسيان

مرجان : احبك يانور احبك ومش قادر اعيش من غيرك

[فقط الأعضاء المسجلين والمفعلين يمكنهم رؤية الوصلات]

نور : طيب هاتعمل ايه مع شعبك وهاتعمل ايه علشان تخلص من شرور سمعان

مرجان : اللي يحصل يحصل انا هالتقي بشعبي واحكيله قصه حبي وهو بيحبني واكيد هايقتنع

نور : بس في مشكله كبيره

مرجان : هي ايه

نور : انت ناسي اني بشريه ماقدرش اعيش جوه الميه

[فقط الأعضاء المسجلين والمفعلين يمكنهم رؤية الوصلات]

مرجان : ماتخافيش خلي الحكايه دي عليا بس اديني من شعر راسك شعره واحده

وانطلق العجوز مرجان يجوب البحور بعد ان حصل علي شعره راس نور ممتطيا حصانه الجسور حتي وصل الي مدينه الجان وتوراي بحصانه خلف السور حتي وصل الي كهف الساحره تاكور

[فقط الأعضاء المسجلين والمفعلين يمكنهم رؤية الوصلات]

مرجان : تاكور انتي فين ياتاكور

الساحره تاكور : الامير مرجان ! تعال بسرعه قبل ماحد يشوفك تعال ادخل

مرجان : ازيك يا تاكور واخبارك ايه

تاكور : الحمد لله تمام وانت جاي ليه انت مش عارف انه كده خطر عليك وان ماحدش يعرف اننا اصدقاء انا وانت

مرجان : اللي جابني الحب يا تاكور ومافيش غيرك حد اروح له والتجا ليه وانتي عارفه انك غير كل السحره والجان هنا لان قلبك ابيض

[فقط الأعضاء المسجلين والمفعلين يمكنهم رؤية الوصلات]

تاكور : طيب قولي الحكايه

وراح العجوز مرجان يسرد قصه حب نور للساحره تاكور وبعد ان انتهي من كل السطور قالت الساحر تاكور

تاكور : طيب هات الشعره وخلي حكايه نور علي بس شوف انت شعبك ونلتقي بعد مغيب الشمس عند صخره الهمس

وذهب مرجان الي شعب مدينه اللاليء ليجتمع بهم ويحكي لهم حكايه نور وبعد ان انتهي

مرجان : ادي كل الحكايه


وبعد ان واجه مرجان اعتراض اخيه الجشع سمعان انتصر راي شعب مدينه البحور وازداد تاييد اميرهم المحبوب زواجه من حبيبته نور

[فقط الأعضاء المسجلين والمفعلين يمكنهم رؤية الوصلات]

انطلق مرجان في الحال الي صخره الهمس فقد غاب الان قرص الشمس

والقي السلام علي تاكور ساحره مدينه الجان وكله سرور

مرجان : السلام عليكم ياتاكور

تاكور : وعليكم السلام بسرعه يالا مافيش وقت باقي تلات ايام علي اول الشهر العربي

مرجان : ليه اشمعني تلات ايام واشمعني الشهر العربي

تاكور : هافهمك خد القزازه دي واديها لحبيبتك نور تشرب منها عند رؤيه هلال الشهر العربي وتشرب منه كمان كل شهر من الشهور واوعي تنسي لما تشوف هلال الشهر وخلي بالك لو مالحقتش تشرب ممكن تموت وانا عملت قزازه تانيه احتياطي علشان لو دي خلصت

مرجان : ماتخافيش خليها علي الله

[فقط الأعضاء المسجلين والمفعلين يمكنهم رؤية الوصلات]

وانطلق مرجان يعبر حدود البحور حتي وصل الي اطراف لاهور والتقي بحبيبه القلب نور واعطاها الدواء وانتهي اللقاء ليجتمعوا في حفل الزفاف بعد ثلاث ليال وعند رؤيه الهلال شربت نور من دواء تاكور وتحولت في الحال الي اميره البحور وتزوجت مرجان رغما عن احقاد سمعان وانجبو طفلتهم الوحيده زوزو الرقيقه التي يشهد لجمالها الانس قبل الجان

[فقط الأعضاء المسجلين والمفعلين يمكنهم رؤية الوصلات]

كوكوواوا كوكو واوا كوكو كوكو وا

وأدرك شهرزاد الصباح فسكتت عن الكلام


شهرزاد : مولاي الديك بيدن كوكو كوكو في الفجريه يالا علشان تنام

وهنا سكتت شهرزاد عن الكلام المباح واغلقت عيناها لتستقبل ضوء الصباح

وشخير شهريار يعلو بارتياح


[فقط الأعضاء المسجلين والمفعلين يمكنهم رؤية الوصلات]


طبعا للحديث بقيه ان شاء الله ده لو لحقت اكملها دلوقتي

لكن ان شاء الله لنا لقاء جديد مع الف ليله وليله من اول يوم في رمضان

وكل سنه وانتو طيبين

[zahra]

يااااااااااااااااااااااااه على جمال اسلوبك الرقيق يا قبطان انا مستنيه بقيت القصه ولازم تنزلها دلوقتى لانى دخولى هيكون قليل فى رمضان

دايما زوق يا قبطان فى كلامك وطريقتك

[القبطان]

بس كده غالي والطلب رخيص

باقي القصه تنزل لعيون زوزو

منوره يازوزو

[القبطان]

[فقط الأعضاء المسجلين والمفعلين يمكنهم رؤية الوصلات]


تعالي الي جواري يا شهرزاد لقد اطلقت البخور واستعديت للحضور
فألقي علي مسامعي بقيه القصه فأنا كلي لهفه

لان صوت الامير شهريار وهو بنطق تلك العبارات ويشير نحو الاميره شهرزاد وبكل لهفته دعاها للحضور لتكمل قصه تاكور والجميه نور بعد ان تحولت لعروسه للبحور

[فقط الأعضاء المسجلين والمفعلين يمكنهم رؤية الوصلات]

شهرزاد : بلغني ايها الملك السعيد ذو الرأي الرشيد ان القبطان ياسيدي جلس يستمع لمرجان حاكم مدينه اللاليء والبحور وزوج تلك المدعاه الجميله نور

وتطير بنا الاحداث صوب مدينه لاهور لنستمع سويا للحديث الذي يدور بين الصياد قبطان والعجوز مرجان

القبطان : ياه كل ده يطلع منك ده انت حكايتك لها العجب بس انت كده شوقتني اكتر واكتر

مرجان : ههههههههههههه الصبر ياقبطان كل حاجه باوانها

القبطان : لا ياعم صبر مين لازم تكملي الحكايه

مرجان : ااقولك ياقبطان رغم انها بتملاني احزان واحزان

القبطان : ها قول قول

مرجان : انا اتجوزت نور جميله الجميلات وعشت معاها سنين وخلفت منها بنتي اللي في الصوره دي كنا اجمل اسره سعيده لكن تقول ايه كنت فاكر ان سمعان اخويا الجشع خلاص انصلح حاله وبقي كويس لكن منه لله منه لله

وانهار العجوز مرجان وجلس يبكي الزمان وعيناه لاتكف عن الدوران

القبطان : صلي علي النبي كده واهدي يامرجان وربنا ان شاء الله هايصلح كل الامور اهدي كده ولا انت بتخلع مني ومش ناوي تكملي الحكايه

مرجان : خلاص ولايهمك يا قبطان انا هاكملك بس افتكرت الاحزان وماقدرتش امسك نفسي

القبطان : طب كمل

مرجان : عرف سمعان حكايه القزازه والدواء ماعرفش ازاي اكيد كان بيتجسس علينا اوقات كتير ومره من المرات استغل عدم وجودنا في القصر ودخل يتسلل وراح لغرفه الاميره نور ودور علي القزازه لغايه مالقاها وراح مغير الدواء اللي فيها وحط مكانه ميه بنفس اللون مالهاش اي تأثير ولما قرب الهلال راحت الاميره نور تشرب من قزازه الدواء وقالت لمرجان

نور : مرجان ابقي افتكر الشهر الجاي القزازه دي هاتخلص تجيبلي غيرها من عند تاكور

مرجان : تخلص ايه انتي مش عندك واحده تانيه احتياطي ده كل الحكايه نقطه واحده في بقك

نور : ماهو انا نسيت ااقولك لما كنت علي البر نسيت قزازه منهم في الكوخ بتاعي من لهفتي وشربت من القزازه دي وجيتلك علي طول

مرجان : ولايهمك بكره اروح لتاكور تعملك غيرها للشهر الجاي مادام عندك اللي يكفيكي دلوقتي

واقترب موعد الهلال وامسكت نور بزجاجه الدواء لتقطر تلك القطره من هذا الماء وهي لاتعلم ان سمعان قد فعل فعلته الشنعاء

القبطان : يااااه ايه ده كله سمعان اخوك يعمل كده طيب وحصل ايه وبعدين

مرجان وهو يزرف الدموع : اتخنقت نور ومسكت رقبتها ووقعت علي الارض وقعدت افوق فيها وانا مش فاهم حاجه ماعرفش مالها الدوا ده كان بيخليها ماتبقاش بشريه وتستمر في حالتها اللي عليها وعدم شرب الدوا بيخليها ترجع بشريه وطبعا وهي في قلب الميه لازم تتخنق

القبطان : وبعدين

[فقط الأعضاء المسجلين والمفعلين يمكنهم رؤية الوصلات]

مرجان : مالحقتش تنطق باي كلمه وكل اللي عملته شاورت علي بنتي زوزو وكانها بتوصيني عليها وماتت ماتت ياقبطان ماتت حبيبه قلبي ماتت مراتي نور وسابتلي حته مني ومنها زوزو الجميله الطفله اللي عمرها عشر سنين

[فقط الأعضاء المسجلين والمفعلين يمكنهم رؤية الوصلات]

القبطان : وبعدين وبعدين

[فقط الأعضاء المسجلين والمفعلين يمكنهم رؤية الوصلات]

مرجان : سمعان كون له عصابه من نفس نوعه مليانين احقاد وطبعا وعدهم بعد مايتخلص مني انه يخليهم جنبه ويرفع من شأنهم وطبعا بقوا كل همهم ازاي يتخلصو مني واحد فيهم فكر انه ممكن يحولوني بشري وياخدو شعره من راسي ويستعينو بساحر من الجان وفعلا خدو الشعره مني ماعرفش ازاي جايز وانا نايم وصنعو الدواء وبالمكيده جالي سمعان يعتذرلي وانا صدقته بطيابتي رغم انه سبب موت مراتي نور اميره البحور ودعاني لكوبايه عصير جابهالي بنفسه ماعرفش انه فيها الدواء اللي يغيرني لبشري في الحال وشربت العصير واستاذن بسرعه وحسيت اني باتخنق وباموت وقعت علي صندوق المجوهرات الصغير اللي قدامك ده

[فقط الأعضاء المسجلين والمفعلين يمكنهم رؤية الوصلات]

القبطان : يانهار اسود طيب وازاي نجيت

[فقط الأعضاء المسجلين والمفعلين يمكنهم رؤية الوصلات]

مرجان : شافني حصاني الجسور وعرف حالتي لانه رفيقي في كل رحلاتي خدني وانا حاضن صندوقي وطار بيا في قلب الميه لغايه ماطلع علي سطح الميه وساعتها وشي رجع للونه الطبيعي وبدأت اتنفس وطلعني علي الشط وودعني وسابني ورجع تاني وانا بانادي عليه ومش سامعني ياجسور ياحصان البحور طب خلي بالك من بنتي زوزو ومن ساعتها ياقبطان ماشفتهوش تاني وادي حكايتي بعد مانتهي بيا الحال هنا في لاهور

[فقط الأعضاء المسجلين والمفعلين يمكنهم رؤية الوصلات]


كوكوواوا كوكو واوا كوكو كوكو وا

وأدرك شهرزاد الصباح فسكتت عن الكلام


شهرزاد : مولاي الديك بيدن كوكو كوكو في الفجريه يالا علشان تنام

وهنا سكتت شهرزاد عن الكلام المباح واغلقت عيناها لتستقبل ضوء الصباح

وشخير شهريار يعلو بارتياح

[فقط الأعضاء المسجلين والمفعلين يمكنهم رؤية الوصلات]



طبعا للحديث بقيه ان شاء الله



[فقط الأعضاء المسجلين والمفعلين يمكنهم رؤية الوصلات]

[oumaima]

ونحن في انتظار البقية

قبطاني

تسلم ايديك

بجد القصة كل حلقة بتزيد جمال وروعه

[القبطان]

علي الله فعلا تكون عجبتك يا اميمه

ومنوره الصفحه