يوميات القبطان في مطبخ هجران ( كاري الدجاج )

[القبطان]

وحشتوني والله النهارده راجع من جديد ليوم جديد وطبخه جديده من يومياتي

يوميات القبطان في مطبخ هجران

[فقط الأعضاء المسجلين والمفعلين يمكنهم رؤية الوصلات]

والنهارده طبخه جديده وربنا يسترها معانا زي ماسترها قبل كده

اسمها

كاري الدجاج

[فقط الأعضاء المسجلين والمفعلين يمكنهم رؤية الوصلات]

واللي هايعمل شاطر وناصح ويقولي هو ايه الكاري ده وهاجيبه منين هاقوله روح هاتلك اي كيس شيبسي

بطعم الدجاج بالكاري من اي سوبر ماركت وافصل الاتنين عن بعض

نبدأ بأدوات الامن والامان احنا طبعا عارفينها بس معلش يمكن في واحده غلبانه حبت تجرب

وصفه من بتوعي لاول مره لازم ننبهها

[فقط الأعضاء المسجلين والمفعلين يمكنهم رؤية الوصلات]

ادوات الامن والامان
1- قناع واقي من النوع الصلب
2- انبوبه اوكسجين للطواريء ( اللي دايما بتحصل )
3- صديري من الصلب الخالص
4- قفاز من الحديد المجلفن
5- موبايل ومشحون ياريت للاتصال بالاسعاف او المطافيء عند اللزوم

[فقط الأعضاء المسجلين والمفعلين يمكنهم رؤية الوصلات]

كده تمام وانا طبعا اخر مره اديت ملحوظه وفيها جميع نمر المطافيء والاسعاف

مش هاقولها تاني

[فقط الأعضاء المسجلين والمفعلين يمكنهم رؤية الوصلات]

تعالو نشوف المقادير

اسمعي ياستي

كيلو دجاج مسحب مقطع مكعبات متوسطة الحجم ( وياريت تخلي بالك انفلونزا الطيور لسه موجوده
وعندي طريقه تكشفي بيها على الدجاجه علشان تعرفيها عندها انفلونزا طيور او لا تمسكي الفرخه كويس
وتبصيلها بعيون جريئه وتسأليها قوليلي يا شاطره اسمك ايه لو لقيتي وش الفرخه بقي لونه احمر كله
تبقي سليمه وده مجرد كسوف بس ولو الاحمرار على قد المنقار تبقي انفلونزا على طول هذا وللعلم )

نصف كوب بقدونس مفروم ناعم ( اموت واعرف ده بيتباع في كوبايات ازاي بس )

علبة لبن زبادي ( وياريت تكوني ناصحه وتعرفي الزبادي دي طازه ولا مش طازه انا من رأيي تسيبيها اسبوع لو
عفنت تبقي مش طازه ولو ماعفنتش اكيد طازه والله الموفق )

ربع كوب زيت ذرة أو دوار الشمس ( او زيت دوخيني يا لمونه وده موجود في كل مكان )

عدد 2 حبة بصل متوسطة الحجم مفرومة فرم ناعم ( ولو حبكت وعاوزه تعطسي ابقي ابعدي وشك عن الطبق )

عدد 4 ضروس تومه مفرو فرم ناعم ( يعني بصل وتوم وابو العيال هينام في البلكونه ان شاء الله النهارده )

عدد 4 قرون من الفلفل الحار ( ولو مابتحبيش الفلفل هاتي شويه كلور )

كوب ماء ( منزوع الدسم يعني خالي من الميكروبات )
بلاش تعملي زي مسرحيه المتزوجون والدقيق مابيكونش تحت الحوض وده للمعرفه ) ) ملعقتين طعام دقيق

ملح ( ياريت يكون مالح شويه )

ملعقة صغيرة كاري ( وده تلاقيه موجود عند باتا )

ربع ملعقة صغيرة قرفة ( ولو انتي حامل القبطان بيقولك نصيحه ابعدي عن القرفه حتى اسألو هجران )

ربع ملعقة صغيرة عُصفر ( اي نوع من انواع العصفر يعني عصفر زينه او عصفر بلدي مش مشكله )

نصف ملعقة صغيرة زنجبيل ( ممكن استبداله بقليل من الزنجبيل الطازج )
( او ممكن استبداله بورق صنفره ناعم )

نصف ملعقة صغيرة كزبرة ( ممكن استبداله بربع كوب من الكزبرة الطازجة
( وممكن استبداله كمان بنترات البوتاسيوم الفلزيه .... اوعوا تعملوها ده انا باهزر وانا ناقص مصايب )

مكعب ماجي ( واسألو عن ماجي دي ولو مالقتوش اسألو عن انجي اي حد فيهم يسد )

اف اخيرا تعالو نشوف الطريقه

[فقط الأعضاء المسجلين والمفعلين يمكنهم رؤية الوصلات]

الطريقة

نقوم بوضع قطع الدجاج في وعاء الطبخ على النار مع الزيت ونحركه حتى يتغير لونه لمدة 5 دقائق
( ملحوظه قبطانيه للي ماتعرفش ازاي الالوان بتتغير تجيبي ريموت التلفزيون وتختاري نظام الالوان وتعملي ضبط على درجه الالوان بتاعت ..... يانهار ابيض ده موضوع تاني خالص )

خلال فترة تحريك قطع الدجاج على النار نقوم بوضع الدقيق في طبق صغير ونضيف عليه قليل من الماء ونحركه حتى يصبح قوامه لين ثم نضعه في طبق ونحركه مع اللبن بعدها نضيف عليهم الماء ونخلطهم ثم نقوم بإضافة باقي المقادير فوق الدجاج ثم نبدأ بالتحريك حتى يبدأ الخليط بالغليان
( هتلاحظي ان كل الحشرات اللي في البيت اتجمعت على الي بتعمليه عادي عاوزك تعملي نفسك
ماشفتيش اي حاجه ده فضول حشرات مش اكتر )

فنخفف عنه درجة حرارة النار ونغطي الوعاء ونتركه على النار لمدة نصف ساعة مع استمرار عملية التحريك كل خمس دقائق

يقدم مع الأرز أو الخبز
( او يقدم الارز والخبز وسيبك من اللي نيلناه دلوقتي العمر مش بعزقه )

عاوزين نشوف الصوره تفضلوا بالهنا والشفا

اتمني لبخه النهارده قصدي طبخه النهارده تكون عجبتكم

والموضوع كده خلص بس ناقص شويه ملحوظات من القبطان بسيطه

1- وانتي في وسط الاكل تقولي انك ماطبختيش اي حاجه الست شوزي جارتكم بعتت لكم الطبق ده

2- حاولي تخليكي بعيده عن متناول ايد زوجك ياستي احنا مش ناقصين اصابات لسه هانعلب النهائي

3- عيالك لو خايفه عليهم اعملي لهم ساندوتشات جبنه

4- بعد ماتخلصي الطبخه ماتفتحيش الشبابيك مره واحده لا حاولي تفتحيهم بالراحه واحده واحده كل
نص ساعه وده محافظه على العلاقات الجيرانيه

5- الباقي من الطبخه ماتخليهوش في البيت وروحي لاقرب حظيره فراخ واحفري حفره ااقل حاجه 3 متر تحت الارض وادفني الباقي من الاكل فيها

[فقط الأعضاء المسجلين والمفعلين يمكنهم رؤية الوصلات]

واخيرا القبطان بريء من ذنب اي شخص يحصله اي حاجه

وبالنسبه للاعراض الجانبيه للطبخه مافيهاش اي اعراض جانبيه خالص بس لو حصل شويه تشنجات حاولي تستلقي على ظهرك لمده 12 ساعه

[فقط الأعضاء المسجلين والمفعلين يمكنهم رؤية الوصلات]

بس

خلاص

مع تحيات القبطان والي يوم جديد

وطبخه جديده

من

يوميات القبطان في مطبخ هجران

سلاااااااااااام

[فقط الأعضاء المسجلين والمفعلين يمكنهم رؤية الوصلات]

[سمراء المصرية]

:24::24::24::24:

هو عاد في مطبخ هجران شيء

من اخر طبخه انت عملتها طار وراح للمطافي

:24::24::24::24:

بس تعرف المره ديه الاكله لذيذه

وعندى عزومه بكره :good::good: هاروح انفذها فوراَ علشان ما حدش يجيلي تاني

:hhhhhhh::hhhhhhh::hhhhhhh:

القبطــــان

سلمت مقالبك من المطافي

ودامت يداك صاحبه اظرف مقالب

[القبطان]

سمرااااااء

مادام في عزومه يبقي ماتجيبيش سيرتي

نفذي وربنا غفور رحيم

هههههه

ومنوره الصفحه ياقمر

[راما]

هههههههههههههههههههه

الى عاوزة تتطلق من جوزها

تعمل بنصيحة القبطان


كلووووووووووووور بدل الفلفل

انا فتكرت مية النار حراقة اكتر

ههههههههههه

يسلموووووووو قبطان

ما بظن طبيخك فى الذ منه

بس مش بالاكل بخفة الدم

ههههههههههه

تحياتى

[arabwit]

اكلة شهية كما تعودنا من ايادي القبطان


القبطان سلمت يداك اخي


تقبل مروري

[القبطان]

راما الجميله

دوم الضحكه وياستي كلور او ميه نار مش فارقه

الاتنين بيعملو اسهال هههههه

منوره يا جميل واللي الذ من طبيخي هو مرورك

[القبطان]

محمد الغالي يسلم لي مرورك الجميل يا مان

وبالهنا والشفا يا سيدي

[موجه بحر]

هههههههههههههههههههههههههه

والله اللى اجمل من الطبخه وصفك ليها

ربنا يستر بقى

تسلم الايادى يا قبطان

[القبطان]

واللي اجمل من ده وده وجودك يا احلي اميره

منوره المطبخ اكيد